Қазақстандық полицейлердің жаңа формасының жобасы көрсетілді

19 Желтоқсан 2018, 16:52
1
Қазақстандық полицейлердің жаңа формасының жобасы көрсетілді - © Instagram.com/mvd.kaz
© Instagram.com/mvd.kaz

Ішкі істер министрлігінің өкілдері қазақстандық полицейлердің жаңа нысанды киімінің жобасын көрсетті, - деп хабарлайды Tengrinews.kz тілшісі. Ведомстводағылар форманың суреттерін Instagram желісіндегі парақшасында жариялады.

ІІМ мәліметінше, полицейлердің формасы соңғы рет 2005 жылы өзгерген. 

"Бүгінде ол заманауи талаптарға сай келмейді. Нысанды киім-кешектерге қойылатын негізгі талаптар - оның қолайлылығы, тартымдылығы, ыңғайлылығы және артық элементтердің болмауы.

Нысанды киімдердің дизайнына, дайындалуына қосымша қаражат талап етілмейді. Полиция қызметкерлері нысанды киім-кешектермен кезең-кезеңмен қамтамасыз етіледі. Ол ескірген нысанды киімді ауыстыруға бөлінетін жыл сайынғы қаражат есебінен жүзеге асырылатын болады", - деді ІІМ өкілдері.

Ведомстводағылар осы форманың жаңа үлгісін талқылауға қатысып, белсенділік танытуды сұрады.


©instagram.com/mvd.kaz

Еске салайық, мұның алдында ішкі істер министрі Қалмұханбет Қасымов еліміздегі полицейлердің формасы қалай өзгеретінін айтып берген еді. "(...) Кительді өзгертеміз, әйтпесе ол қазір тым ресми", - деп жауап берген болатын министр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай