+7 (777) 001 44 99
Қазақша
Русский
English
Қазақша
Русский
English
TikTok әлеуметтік желісінде Хомяк лақапатымен танылған 18 жастағы алматылық Алина Ким ТМД-дағы ең танымал тиктокер қыз болды. Бүгінде оның оқырман саны 27,6 миллионнан асады. Оның ішінде ТМД тұрғындары ғана емес, шетелдік жанкүйері де бар, - деп хабарлайды Tengrinews.kz тілшісі.
Ол Даня Милохин (14,4 миллион), Дина Саева (23,5 миллион), Эра АЙС (22,9 миллион), Лиза Анохина (27,5), КАРНАВАЛ (19,8), Ольга Бузова (7,6), Карина Кросс (15,7) сияқты ресейлік жұлдыздарды оқырман саны бойынша басып озған. Қазақстандық тиктокердің алдында 32 миллион оқырманы бар Кирилл Колесников қана тұр.
"Бүгін мен ТМД-да бірінші болдым. Бұл жаңалық мені жігерлендіреді. Мақсатыма жақындап келе жатырмын", - деді Хома.
Хома YOLO House қазақстандық TikTok үйінің мүшесі. Бірақ ол бұған дейін де танымал болған. Алина 2019 жылдан бері блог жүргізуге қызығушылық танытқан. Содан бері ол шығармашылық және ойын-сауық бағытында видео түсіреді. Хома бастапқыда мұнша оқырманы болады деп ойламағанын мойындады. Бірақ оны командасы ынталандырады және бұл оған ерекше жауапкершілік артатынын айтты.
"Олар менің екінші отбасым сияқты. Менің барлық бастамамды және нәтижелерімді қолдайды. YOLO да бүгін оқырман саны бойынша ТМД-да бірінші орында", - деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Введите свою почту и пароль
0:00