09 мамыр 2023 08:50

Қазақстандықтар Жеңіс күнін тойлайды

Гүлнара Досымшалова Корреспондент

Бүгін Қазақстанда мемлекеттік басты мерекелердің бірі - 1941-1945 жылдардағы Ұлы Отан соғысының Жеңіс күні аталып өтеді, - деп хабарлайды Tengrinews.kz тілшісі.

Бүгін Қазақстанда мемлекеттік басты мерекелердің бірі - 1941-1945 жылдардағы Ұлы Отан соғысының Жеңіс күні аталып өтеді, - деп хабарлайды Tengrinews.kz тілшісі.

2023 жылғы 1 мамырдағы жағдай бойынша Қазақстанда Ұлы Отан соғысының 222 қатысушысы тұрады.

Соғыс жылдары фронтта шамамен 1,8 миллион қазақстандық болды. Соғыстағы ерліктері үшін ордендармен және медальдармен марапатталды. Шамамен 500 қазақстандық Кеңес Одағы батырлары атанды. Сонымен қатар, Ұлы Отан соғысында 630 мың адам іс-түссіз жоғалып кетіп, қайтып оралған еді.

Сұрапыл соғыс КСРО жеңісімен аяқталды. Фашистік Германияның қарсылықсыз тізе бүгуі туралы актіге 1945 жылы орталық еуропалық уақыт бойынша 8 мамырда сағат 22:43-те (Мәскеу уақыты бойынша 9 мамырда 00:43-те) Берлиннің іргесіндегі елдімекенде қол қойылды. Тура осы уақыт айырмасына байланысты Жеңіс күні Еуропада 8 мамырда, ал КСРО-да, одан кейін ТМД елдерінде 9 мамырда аталып өтеді.

Жеңіс Күні құрметіне орай, дәстүрлі түрде Қазақстанның барлық ірі қалаларында мерекелік шаралар өткізіледі.

8 мамырда Мемлекет басшысы Қасым-Жомарт Тоқаев Астанадағы "Отан Ана" монументіне гүл шоқтарын қойып, соғыста қаза тапқан қазақстандық жауынгерлерді бір минут үнсіздікпен еске алды.