1. Басты
  2. Біл
  3. Жаңалықтар
  4. Ел жаңалықтары

Қазақстандықтар қандай транзит рейстер арқылы ұша алатыны айтылды17 тамыз 2020, 09:33

Көліктегі бас санитар дәрігер Сәдуақас Байғабылов қазақстандықтар қандай транзит рейстер арқылы ұша алатынын айтты, - деп хабарлайды Tengrinews.kz тілшісі.

Байғабылов қандай да бір елге бару алдында сондағы коронавирус бойынша жағдайды білу керек.

"Мысалы, қазақстандық Малайзияға Түркия арқылы транзит рейспен ұшқысы келеді. Ия, бұл мүмкін, бірақ ондағы COVID-19 жағдайын бақылау керек. Әр елде шектеу шаралары күн сайын өзгеріп отырады. Келетін жолаушылар үшін шектеу шаралары туралы мәліметті нақтылау керек. Түркияда да өз талаптары болуы мүмкін.

Біз бір жаққа ұшуға шектеу қоймаймыз, бірақ Қазақстанға екінші санаттағы елдерден келетін жолаушылардан коронавирусты анықтайтын тест тапсыруын талап етеміз. Мысалы, Дубайға кіру үшін 96 сағаттан аспайтын уақыт бұрын өткізілген тестілеудің теріс нәтижесі болуы керек", - деді көліктегі санитар дәрігер.

Сондай-ақ, Байғабылов Қазақстанның ҚХР, Корея, Жапония, Грузия, Тайланд, Венгрия, Германия, Чехия, Малайзия, БАӘ, Беларусь, Түркия, Мысыр, Украина, Ресей, Польша, Өзбекстан елдерімен әуе қатынасын жандандырғанын еске салды.

Қазақстан жаңалықтары. Соңғы жаңалықтар. Telegram желісінде бізге жазыл! 


Алматыда митинг өтті