Қазақстандықтар көлік салығы бойынша 30 миллиард теңге қарыз

Фото: usolie.info

Қазақстандықтардың көлік салығы бойынша қарызы 30 миллиард теңгеден асты. Бұл туралы Қаржы министрлігінің Мемлекеттік кірістер комитетінде айтылды, - деп хабарлайды Tengrinews.kz тілшісі.

Қазақстандықтардың көлік салығы бойынша қарызы 30 миллиард теңгеден асты. Бұл туралы Қаржы министрлігінің Мемлекеттік кірістер комитетінде айтылды, - деп хабарлайды Tengrinews.kz тілшісі.

Ел бойынша борышкерлер саны миллионнан асады.

"Барлығы 30,7 миллиард теңге мөлшерінде қарыз есептелген. 26,8 миллиард теңге борыштың негізгі сомасы. Қалған 3,8 миллиард теңге - өсімпұл", - делінген хабарламада.

Қарыздың ең көп мөлшері Алматы тұрғындарына тиесілі. Алматылықтар көлік салығы бойынша 6,1 миллиард теңге қарыз болған.

Екінші орында - Алматы облысы. Бұл аймақтағы автокөлік иелері 4,8 миллиард теңге салық төлемеген.

Берешек сомасы бойынша үштікті Нұр-Сұлтан қаласы жабады. Елордалық автоәуесқойлар мемлекетке 3 миллиард теңгеге жуық қарыз.

"Борышкерлер саны бойынша антирейтингті Алматы облысы бастап тұр. Онда 165 мыңнан аса адам салық міндеттемелерін орындамаған. Екінші орында - Алматы қаласы. Борышкерлер саны 107 мың жеке тұлғадан асады. Үштікке Түркістан облысы да кірді. Онда 104 мың адам", - деді ведомство өкілдері.

Комитет өкілдері салық төлеу мерзімі өткеннен кейін әр күн үшін өсімақы есептелетінін ескертті.

Жеке тұлғаларға салық төлеу үшін мемлекеттік кірістер органдарына барудың қажеті жоқ. e-Salyq Azamat мобильді қосымшасын орнату жеткілікті, ол арқылы қарыз сомасын көруге және салықты онлайн төлеуге болады. Сондай-ақ, қазақстандықтар салық төлеу үшін екінші деңгейлі банк қосымшаларын пайдалана алады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Салық көліктер Қазақстан Қарыз