+7 (777) 001 44 99
Қазақша
Русский
English
Қазақша
Русский
English
Қазақстанда 2025 жылдың алғашқы екі айында бағдаршамның тыйым салынған түсіне өту бойынша 106 мың құқық бұзушылық тіркелді. Бұл көрсеткіш 2024 жылдың сәйкес кезеңімен салыстырғанда алты есе көп, - деп хабарлайды Tengrinews.kz тілшісі.
DataHub статистикасына сәйкес, 2024 жылдан бастап осындай құқық бұзушылықтардың саны күрт өскен. Былтыр олардың саны алдыңғы жылмен салыстырғанда үш есеге артқан, бұл соңғы бес жылдағы ең үлкен өсім. Бұған дейін жыл сайынғы өсім 41 пайыздан аспаған еді.
Фото: DataHub
Негізгі себеп – жолдардағы бейнебақылау камераларының көбеюі. 2024 жылы барлық тіркелген заңбұзушылықтардың 86 пайызы камералардың көмегімен анықталған. Жыл ішінде камералар саны 22 мыңнан 25 мыңға дейін өсті.
Сонымен қатар, 2024 жылдың наурызынан бастап Астанада сары түске өту деректері тіркеле бастады. Пилоттық жоба Алматы мен Шымкентті де қамтыды. Астанада 18 мыңдай осындай құқық бұзушылық тіркелген.
Көлік санының көбеюі де статистикаға әсер етуі мүмкін. 2024 жылдың наурызынан 2025 жылдың наурызына дейін 412,8 мың жаңа көлік тіркеліп, бұл айтарлықтай өсімге алып келді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Введите свою почту и пароль
0:00