+7 (777) 001 44 99
Қазақша
Русский
English
Қазақстандықтар түптеп келгенде МӘМС жүйесінде сақтандырылмағаны үшін жазалана ма? Бұл сұраққа "Әлеуметтік медициналық сақтандыру қоры" АҚ басқарма төрағасының орынбасары Ілияс Мұхамеджан жауап берді, - деп хабарлайды Tengrinews.kz тілшісі.
Бұған дейін Денсаулық сақтау министрлігі Міндетті медициналық сақтандыру қорына аударым жасамағандар белгілі бір медициналық анықтама алу мүмкіндігінен айырылуы мүмкін екенін айтқан болатын. Мысалы, жүргізуші куәлігін алу, қару сақтау және т.б. үшін қажет.
Алайда Медициналық сақтандыру қоры мұндай мәселенің күн тәртібінде жоқ екенін атап өтті.
"Біріншіден, қор уәкілетті орган емес, заң шығарушы орган емес. Біз ең алдымен Денсаулық сақтау министрлігі, үкімет және т.б. шығаратын бұйрықтар, ережелер негізінде жұмыс істейтін қаржы институтымыз. Сондықтан мұндай мәселе қазір күн тәртібінде мүлдем жоқ", - деп жауап берді Ілияс Мұхамеджан.
Міндетті медициналық сақтандыру жүйесінде сақтандырылмаған қазақстандықтарды жазалау туралы ұстанымын білу үшін Денсаулық сақтау министрлігіне де хабарластық.
"Қазіргі уақытта міндетті медициналық сақтандыру бойынша сақтандырылмаған азаматтардың көлік жүргізу, қаруды иелену немесе куәлік беру құқықтарын шектеу шаралары қарастырылмаған және талқыланып жатқан жоқ", - деп жауап берді Денсаулық сақтау министрлігінің ресми өкілі Гаухар Бисарина.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
