Қазақстандықтар наурызда қалай демалады?

Фото:depositphotos.com

Көктемнің бірінші айында қазақстандықтар үшін демалыс күндері көп, - деп хабарлайды Tengrinews.kz тілшісі.

Наурызда қазақстандықтар бірден екі мемлекеттік мерекені атап өтеді: Халықаралық әйелдер күні (8 наурыз) және Наурыз мейрамы (21-23 наурыз). Демалыс күндері ауыстырылуына байланысты азаматтар қосымша демалыс күндерін алады.

Нәтижесінде 2025 жылғы наурызда бес күн жұмыс істейтін қазақстандықтар 14 күн, ал алты күн жұмыс істейтін қазақстандықтар 10 күн демалады.

Қазақстандықтар 8 наурызда қалай демалады?

Халықаралық әйелдер күні (8 наурыз) сенбіге сәйкес келеді, сондықтан демалыс дүйсенбі, 10 наурызға ауыстырылады.

бес күндік жұмыс аптасындағылар үшін 8, 9 және 10 наурыз - демалыс күндері;
алты күндік жұмыс аптасындағылар үшін 8 және 9 наурыз - демалыс, 10 наурыз - жұмыс күні.

Қазақстандықтар наурыз мерекесінде қалай демалады?

Наурыз - жылдың басты мерекелерінің бірі. 2025 жылы мереке күндері жұма, сенбі және жексенбіге сәйкес келеді, сондықтан демалыс күндері 24 және 25 наурызға (дүйсенбі және сейсенбі) ауыстырылады.

бес күндік жұмыс аптасы үшін 21-25 наурызды қоса алғанда бес күн қатарынан демалыс;
алты күндік жұмыс аптасы үшін демалыс күндері 21, 22, 23 және 24 наурыз болады, ал сейсенбі, 25 наурызда жұмысқа шығады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

наурыз демалыс