09 наурыз 2021 | 12:20

Қазақстандықтар өртенген өзеннің видеосын талқылап жатыр

Видеодан алынған кадр

Қазақстандықтар жанып жатқан өзеннің видеосын талқылап жатыр. Танымал өскемендік @osa_uka_vko Instagram-аккаунтында жарияланған қысқа роликте автор мұз басқан өзенде шыққан өртті түсірген. Онда "Мұнай құбырындағы апаттан кейін өрт шықты" деп жазылған. Бұдан басқа ақпарат жоқ болған соң, оқырмандар бұл оқиға Қазақстанда болды деп ойлаған, - деп хабарлайды Tengrinews.kz тілшісі Stopfake.kz сайтына сілтеме жасап.

Қазақстандықтар жанып жатқан өзеннің видеосын талқылап жатыр. Танымал өскемендік @osa_uka_vko Instagram-аккаунтында жарияланған қысқа роликте автор мұз басқан өзенде шыққан өртті түсірген. Онда "Мұнай құбырындағы апаттан кейін өрт шықты" деп жазылған. Бұдан басқа ақпарат жоқ болған соң, оқырмандар бұл оқиға Қазақстанда болды деп ойлаған, - деп хабарлайды Tengrinews.kz тілшісі Stopfake.kz сайтына сілтеме жасап.

Шын мәнінде, Instagram-да видеоның қысқартылған нұсқасы жарияланған. Түпнұсқада автор "Өзен өртеніп жатыр" дегеннен кейін "Обь" деп нақтылап өтеді. Алайда өскемендік парақша әкімшілері жазылушыларды қызықтыру үшін роликтің осы бөлігін қиып тастаған.

7 наурызда Обь өзенінің Нижневартовск маңындағы бөлігінде өрт шыққан. Тілсіз жау жерасты мұнай құбырындағы апат салдарынан туындаған. Оқиғаны сол жерде жүрген балықшылар түсіріп алған. Қатты күйік шалған куәгерлердің бірі ауруханаға түсті. БАҚ мәліметінше, өзенге 700 тонна мұнай өнімдері төгілген. Қазіргі кезде тергеу комитеті мен Нижневартовск қалалық прокуратурасы төтенше жағдайды тергеп жатыр.