+7 (777) 001 44 99
Қазақша
Русский
English
Антикор Мамандандырылған ХҚКО-лар жұмысын тексерді, - деп хабарлайды Tengrinews.kz тілшісі.
"Кешенді мониторинг жүргізу барысында көлік құралдарын тіркеу және жүргізуші куәліктерін беру кезінде елеулі жемқорлық тәуекелдерін анықтады.
Нормативтік құқықтық актілердегі олқылықтар, ақпараттық жүйелердің жетілмегендігі, басқа бағдарламалармен және дерекқорлармен әлсіз интеграция заңсыз әрекеттерді жасауға мүмкіндік берді", - делінген хабарламада.
Жаңа ақпараттық технологияларды енгізудің арқасында осы саладағы тәуекелдерді айтарлықтай азайтуға мүмкіндік туғаны айтылды.
"Алайда, қазіргі уақытта жекелеген азаматтар, сондай-ақ Мамандандырылған ХҚКО қызметкерлері ақшалай сыйақылар үшін мәселелерді шешуге тырысады.
Мәселен, Алматы қаласы бойынша Сыбайлас жемқорлыққа қарсы қызмет "Азаматтарға арналған үкімет" мемлекеттік корпорациясы" КЕАҚ филиалы №1 мамандандырылған бөлімі басшысының халыққа қызмет көрсету жөніндегі орынбасарына қатысты сотқа дейінгі тергеу жүргізіп жатыр", - делінген хабарламада.
Ол құжаттарды кедергісіз қабылдау және жүргізуші куәліктерін алу үшін автомектеп курсанттарын емтихан тапсыруға жіберу сылтауымен жергілікті кәсіпкерден 930 мың теңге сомасында алаяқтық жолмен ақша қаражатын иемденді деп күдіктеліп отыр.
Оның іс-әрекеттеріне қорытынды бағаны сот беретіні айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
