05 маусым 2021 | 10:39

Қазақстандықтарға инвестиция салуға кеңес берілмейтін компаниялар тізімі жарияланды

Фото ©Тұрар Қазанғапов

Қазақстан Республикасының Қаржы нарығын реттеу және дамыту агенттігі өздерін "инвестициялық компаниялар" ретінде көрсететін ұйымдар туралы ақпарат жариялады, - деп хабарлайды Tengrinews.kz тілшісі.

Қазақстан Республикасының Қаржы нарығын реттеу және дамыту агенттігі өздерін "инвестициялық компаниялар" ретінде көрсететін ұйымдар туралы ақпарат жариялады, - деп хабарлайды Tengrinews.kz тілшісі.

2020 жылдан бастап, Агенттікке жоғары кірістілік кепілдігіне уәде бере отырып, клиенттердің ақшасын инвестициялық мақсаттар үшін тартатын лицензиясы жоқ компаниялардың қызметі мәселелері бойынша 40-тан астам шағым мен өтініш түскен.

Осындай компаниялар көп жағдайда оффшорлық аймақтарда тіркелген және олардың қаржы реттеушісінің қаржы нарығындағы қызметті жүзеге асыруға арналған лицензиясы жоқ. Олар клиенттерге консультациялар беруді ұсынады және өз сервистері арқылы қаражатты инвестициялау бойынша оқыту жүргізеді. Қазақстан Республикасының аумағында аталған компаниялар негізінен қашықтан, өкілдіктер мен филиалдар, не сенімхат бойынша өкілдер арқылы жұмыс істейді.

Бұл ұйымдардың жұмыс істеу схемасы клиентке шетел валютасымен және өзге де қаржы құралдарымен операциялар жасау үшін жабық интернет-сервистерге және сауда платформаларына қашықтан кіру берілетінін болжайды. Мұндай платформаларда клиенттер өздерінің жеке кабинетінде өз қаражатының "ұлғаюын" байқауы мүмкін. Клиент "тапқан" кірісін алуға әрекет жасаған кезде, бұл компаниялар ақшаны қайтарғаны үшін қосымша сыйақы талап ете отырып клиентке оның ақшасын қайтарудан жалтарады, не қандай да бір себептермен клиенттердің шоттарының негізсіз "күшін жояды", бұл да алаяқтық әрекеттер белгісіне ие болады.

Осындай компаниялардың банктік салымдар бойынша сыйақының ағымдағы мөлшерлемелерінен көп асатын жоғары пайданы уәде ете отырып, өз қызметтерін негізінен әлеуметтік желілер арқылы агрессивті түрде жарнама жасайтынына назар аударған жөн.

Осыған байланысты, Агенттік Қазақстан Республикасының азаматтарын агрессивті жарнамаға берілмеуге шақырады және түсінікті әрі айқын құқықтық режимі бар компаниялармен жұмыс істеуге ұсыным береді.

Уәкілетті органның ҚР бағалы қағаздар нарығында қызметпен айналысуға лицензиялары бар брокерлік/дилерлік ұйымдардың тізімі Агенттіктің ресми сайтында орналастырылған.

Аталған компаниялардың қызметі Қазақстан Республикасының заңнамасында қатаң түрде регламенттеледі. ҚНРДА ойыншылардың қызметін бақылау мен қадағалауды жүзеге асырады және бұл компаниялардың қызметтерін тұтынушылардың құқықтарын және олардың заңды мүдделерін қорғаудың тиісті деңгейін қамтамасыз етеді.

Лицензияланбаған компаниялардың қызметіне байланысты азаматтардың тәуекелдерін болдырмау үшін Агенттік азаматтардың шағымдары келіп түскен компаниялардың тізбесін және интернет сайттарының мекенжайларын жариялады. Сонымен бірге Агенттік өздерін "инвестициялық компаниялар" ретінде көрсететін ұйымдармен шарттық қатынастарға түскен кезде IOSCO Халықаралық Бағалы қағаздар жөніндегі комиссиялардың халықаралық ұйымының хабарламаларымен және ескертулерімен танысуды ұсынады.

Сонымен қатар қаржы құралдарымен сауда-саттық жасаудың түрлі нарықтық, кредиттік, валюталық тәуекелдермен қатар жүретінін есте ұстаған маңызды. Осыған орай, инвесторларға инвестицияларды лицензияланған қазақстандық компаниялар арқылы жүзеге асыруды ұсыным береміз.

Лицензиясы жоқ компаниялардың тізімі:

"SECVISION LIMITED" (TRADING TECK);
AdvanceStox (Malarkey Consulting LTD);
Apexcrypt LTD;
Avance.Fund;
AxeCapital;
Azambusiness;
Capital level;
FinAxis;
Fin-case Ltd;
Fincentra LTD Trust Company Complex;
Forex Optimum Group;
Global Alliance;
Halykcompany;
Histmo;
Icon investing;
IINTERNATIONAL VERSION FINANCIAL SOLUTION;
Infiniko Invest Trade LTD;
Infiniko Superbinary;
Lab Finance;
LBC-CAPITAL;
Lime FX (Rest Soft LTD) и Prometheus LTD;
MarketsSoft;
Invest Absolut;
Maxi Markets Limited;
Maxi Platinum Ltd;
Oldix group kft;
Pineda International SP;
Prime Capitals;
RAISE TRADE LTD;
Remaxima;
Siriusfn;
TBXCapital;
Terra Finance;
TitanPro 500;
TraderKing;
Trading Times;
UMARKETS (PROMETHEUS LTD);
Waxx Capital Ltd;
Wexness Banc;
Winmarkets;
АО "EVROASIA GLOBAL INVESTMENT";
ТОО "Международное бюро консалдинга" QNET;
ТОО "EVROPA INVESTMENT";
ТОО "Астра консалтинг агенси";
Global Trade Investing

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Инвестициялау компания