Қазақстандықтарға үйлеріне күн батареяларын орнатуға рұқсат беріледі

578

видео кадры

Қазақстандықтар үйлеріне қуаты 200 киловаттан аспайтын күн батареяларын орната алады, - деп хабарлайды Tengrinews.kz тілшісі "Хабар" телеарнасына сілтеме жасап.

Қазақстандықтар үйлеріне қуаты 200 киловаттан аспайтын күн батареяларын орната алады, - деп хабарлайды Tengrinews.kz тілшісі "Хабар" телеарнасына сілтеме жасап.

Артық өндірілген кезде тұрғындар жергілікті энергиямен жабдықтаушы ұйым арқылы республикалық желіге электр энергиясын сата алады. Жеке кәсіпкер ретінде тіркелудің қажеті жоқ, "нетто-тұтынушы" ұғымы арнайы енгізілген.

Жаңартылатын энергия көздерін пайдалану мәселелері бойынша осындай түзетулер Парламент Сенатында бірінші оқылымда қабылданды.

2030 жылға қарай жаңартылатын энергия көздерінен өндірілетін электр энергиясының үлесі жалпы баланстың 15 пайызына жетуі тиіс. Әзірге бұл көрсеткіш 5 пайыздан сәл жоғары. Ал кәсіпорындар мен шаруа қожалықтары үшін күн батареяларын орнату шығындары қаржы операторлары арқылы қарастырылған.

"Жеке тұлғалар үйлерінің үстіне жеке күн электр станциясын койып, өз шығынын азайту біріншіден. Екіншіден, артық болса жүйеге сату, соны қолдау. Әлемдік тұрғыда талқыланып жатқан нәрсе. Тариф өсіп жатыр ғой, сондықтан жеке тұлғалар, шағын бизнес өз шығындарын азайту үшін осындай мүмкіндік болсын деген бастама", - деді энергетика вице-министрі Сұңғат Есімханов.