08 сәуір 2019 12:34

Қазақстанға 2 миллиард юань несие беру Қытайға тиімді ме?

ПОДЕЛИТЬСЯ

© REUTERS © REUTERS

Сенат отырысында Қытайға Қазақстанға 20 жылға 2 миллиард юань несие беру неліктен тиімді екенін түсіндірді, - деп хабарлайды Tengrinews.kz тілшісі. 


Сенат отырысында Қытайға Қазақстанға 20 жылға 2 миллиард юань несие беру неліктен тиімді екенін түсіндірді, - деп хабарлайды Tengrinews.kz тілшісі. 

Мемлекеттік кірістер комитетінің кедендік операцияларды әкімшіліктендіру департаменті кедендік транзит және интеграцияланған бақылау басқармасының басшысы Қайрат Маубаев өз пікірін бөлісті. 

"Біз транзит бөлігінде тиімді жағдайда тұрмыз. Қытай барлық тасымалды бақылайды. Мысалы, Қытайдан Еуропаға теңіз тасымалы бір жарым ай, теміржол - 30-дан 35 күнге дейін, автомобиль - 10-15 күн. Яғни, олар тауарларды жеткізу үшін үлкен әлеует бар екенін көреді. Тіпті Әулие Валентин күніне (14 ақпан) арналған тауарларды Қытайға 8 наурызда жеткізіп, күлкілі оқиға болды, бұл тауарлардың өзектілігі жоғалды. ( ... ) Қытайға да бізге де тиімді", - деп мәлімдеді Қайрат Маубаев Сенаттың Қаржы және бюджет комитетінің отырысында.

"Бізге транзитті арттыру есебінен, олар жол инфрақұрылымы сервисін пайдаланатын болады және олар біздің ақылы жолдардан жүріп өткені үшін ақы төлейді. Біз Қытай мен Еуропа арасында географиялық тұрғыдан өте ыңғайлы орналасқанбыз", - деді ол.

Шенеуніктің айтуынша, Қазақстан несиені екі пайызбен алады, бірақ егер банк (Эксим банк - түсіндірме) көп пайызбен қарыз беретін болады, онда шығындарды Қытай үкіметі өтейді. 

"Достық" өткізу пунктінде (Қытаймен шекарадағы өткізу пункті) 2003 жылы Қазақстанға орнатылған инспекциялық-тексеру кешенін ауыстырамыз. Ол Қазақстандағы теміржол құрамын инспекциялау жөніндегі алғашқы бекеттердің бірі болды. Ол толықтай тозып бітті. Ол әлі де жұмыс істейді, бірақ өте ауыр жағдайларда. Қызмет көрсету өте қымбат, біз оны өзгертеміз. Автомобиль пункттері бойынша - рұқсатнаманы 5 есеге дейін ұлғайтуды жоспарлап отырмыз", - деді Маубаев.

Оның айтуынша, осы келісімнен Қазақстан кедендік төлемдер мен салықтан шамамен 300 миллиард теңгеге дейін пайда көреді екен. 

"Шекарадан өту процесі толық автоматтандырылады, сонымен қатар біз Астанада бас басқарманы салып жатырмыз, онда көптеген функцияларды өткізу пункттерінен алып жатырмыз. Осылайша, жемқорлық тәуекелдері азаяды", - деп есептейді Мәубаев.

Қаржы вице-министрі Руслан Бекетаевтың айтуынша, 2 миллиард юань төлеу пайызымен шамамен 154 миллиард теңге болады. Жыл сайын Қазақстан Қытайға шамамен 7,7 миллиард теңгеден қайтарып отырады. 

"Бұл бюджет үшін аз сома, тиісінше, бұдан мәселе туындамайды. Процедуралар немесе шарттар өзгерген жағдайда кез келген келісімді өзгертуге болады, ", - деді Бекетаев Сенат кулуарында.

Сенаттың Қаржы және бюджет комитеті "Қазақстан мен Қытай арасындағы Қытаймен жеңілдетілген несие беру туралы негіздемелік келісімді бекіту туралы" заң жобасын қолдап, палатаның жалпы отырысының қарауына жіберді.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети