Алматы полициясы қалада қанша Ресей азаматы уақытша немесе тұрақты тұруға қалғанын хабарлады, - деп хабарлайды Tengrinews.kz тілшісі.
Редакция сауалына полицияның баспасөз қызметі Ресейдің 668 азаматы уақытша тұрғылықты жері бойынша тіркелгенін хабарлады. Оларға қалада заңды түрде жалдау шарттары бойынша немесе қонақ үйлерде тұратын барлық ресейлік кіреді.
Тағы 79 ресейлік тұруға рұқсат алу үшін құжаттар тапсырған. Ресейдің 35 азаматы Алматыға Қазақстан азаматтығын алу үшін құжаттар тапсырған.
Еске салайық, Ішкі істер министрлігі мәліметінше, Қазақстанға күніне 8-9 мың Ресей азаматы келсе, 10-11 мың азамат кетеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!