17 шілде 2022 | 08:48

Қазақстанның 12 облысында ауа райына байланысты ескерту жарияланды

Гүлнара Досымшалова Корреспондент

17 шілдеде Нұр-Сұлтан, Алматы және еліміздің 11 облысында ауа райына байланысты ескерту жарияланды, - деп хабарлайды Tengrinews.kz тілшісі.

17 шілдеде Нұр-Сұлтан, Алматы және еліміздің 11 облысында ауа райына байланысты ескерту жарияланды, - деп хабарлайды Tengrinews.kz тілшісі.

Ақмола облысының солтүстігінде, шығысында, оңтүстігінде найзағай, бұршақ, дауыл болады. Облыстың солтүстігінде, шығысында түнде қатты жаңбыр жауады. Солтүстік-батыстан соғатын жел солтүстік-шығысқа ауысады, облыстың солтүстігінде, шығысында, оңтүстігінде 15-20 м/с жетеді.

Күндіз Маңғыстау облысының басым бөлігінде 40-45 градус ыстық болады.

Күндіз Атырау облысының оңтүстігінде 42 градус ыстық сақталады.

Күндіз Батыс Қазақстан облысының оңтүстігінде, Ақтөбе облысының оңтүстігінде, 40 градус ыстық болады.

Нұр-Сұлтан қаласында жауын жауып, найзағай, бұршақ болады. Солтүстік-батыстан соғатын жел солтүстік-шығысқа ауысады, күндіз екпіні 15-20 м/с.

Жетісу облысының солтүстігінде және шығысында 35-37 градус ыстық болады.

Талдықорған қаласында күндіз 35-37 градус қатты ыстық болады.

Алматы облысының оңтүстігі мен солтүстігінде 35-37 градус ыстық болады.

Алматы қаласында 36 градус ыстық болады.

Қонаев қаласында күндіз 35-37 градус ыстық күтіледі.

Ақтөбе облысының оңтүстігінде 35-38 градус ыстық сақталады.

Абай облысының солтүстігінде, күндіз басым бөлігінде найзағай күтіледі. Күндіз облыстың солтүстігінде, батысында бұршақ жауып, дауыл болады. Жел оңтүстіктен солтүстік-батыстқа ауысады, күндіз облыстың солтүстігінде, батысында 15-20, екпіні 23 м/с. Kүндіз облыстың оңтүстігінде 35 градус ыстық болады.

Семей қаласында найзағай болады. Жел оңтүстіктен солтүстік-батыстқа ауысады, күндіз екпіні 15-20 м/с.

Шығыс Қазақстан облысының солтүстік-батысында, солтүстігінде, солтүстік-шығысында найзағай күтіледі.

Өскемен қаласында найзағай болады. Жел оңтүстік-шығыстан оңтүстік-батысқа ауысады, күндіз екпіні 15-20 м/с.

Қызылорда облысының орталығында шаңды дауыл болады. Жел солтүстіктен соғады, күндіз облыстың орталығында күші 15-20 м/с жетеді. Күндіз 40-42 градус қатты ыстық болады. Облыстың басым бөлігінде төтенше өрт қаупі сақталады.

Қызылорда қаласында төтенше өрт қаупі сақталады.

Батыс Қазақстан облысының батысында найзағай, бұршақ күтіледі. Жел солтүстіктен, солтүстік-шығыстан соғады, найзағай кезінде екпіні 15-20 м/с.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ауа райы