Қазақстанның бас санитар дәрігері Ерлан Қиясовтың жаңа қаулысы жарияланды. Бас санитар дәрігер қазақстандықтарды короновирусқа қарсы вакцинациялау жөніндегі ұсыныстарды мақұлдады, - деп хабарлайды Tengrinews.kz тілшісі.
"Коронавирус инфекциясын халық арасында таралуын болдырмау мақсатында қаулы етемін:
Осы қаулыға 1-қосымшаға сәйкес "Қазақстан Республикасында халықтың коронавирустық инфекциясына қарсы вакцинация" әдістемелік ұсынымдары бекітілсін;
Коронавирус инфекциясының алдын алу үшін вакциналарды сақтау және тасымалдау туралы ереже осы қаулыға 2-қосымшаға сәйкес бекітілсін", - делінген қаулыда.
Еске салайық, Қазақстанда жаппай вакцинация 1 ақпанда басталады.
Бірінші кезекте ресейлік вакцина салынады. Ал қазақстандық вакцинаны кейінірек салу жоспарланған. Бүгінде ол клиникалық сынақтың үшінші кезеңінде.
Кеше премьер-министр Асқар Мамин жаппай вакцинация бойынша тапсырма берген болатын. Сонымен қатар, Президент Қасым-Жомарт Тоқаев қазақстандық вакцинаны салдыратынын айтты.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
