Қазақстанның біраз өңіріне ауа райына байланысты ескерту жарияланды

Дина Шарипханова Корреспондент

Фото: Tengrinews.kz/Тұрар Қазанғапов

4 қазанда Қазақстанның біраз өңірінде ауа райына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК мәліметіне сілтеме жасап.

4 қазанда Қазақстанның біраз өңірінде ауа райына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК мәліметіне сілтеме жасап.

4 қазанда Жетісу облысының солтүстігінде, шығысында солтүстік-шығыстан соғатын жел екпіні секундына 15-20 метрге жетеді.

Түнде Қызылорда облысының солтүстігінде топырақ бетінде 2 градус үсік жүреді.

Күндіз Атырау облысының солтүстігінде, шығысында және орталығында оңтүстік-шығыстан жел соғады, екпіні секундына 15-20 метрге жетеді.

Атырауда оңтүстік-шығыстан жел соғады, күндіз екпіні секундына 15-20 метрге жетеді.

Түркістан облысының таулы аймақтарында шығыстан соғатын жел екпіні секундына 15-20 метрге жетеді. Облыстың солтүстігінде түнде топырақ бетінде 2 градус аяз жүреді.

Батыс Қазақстан облысында күндіз батыста, оңтүстікте, облыс орталығында оңтүстік-шығыстан жел соғады, екпіні секундына 15-20 метрге жетеді.

Оралда күндіз оңтүстік-шығыстан жел соғады, екпіні секундына 18 метрге жетеді.

Солтүстікте, шығыста, Ақтөбе облысының орталығында түнде 3 градус аяз күтіледі.

Ақтөбеде түнде 1-3 градус аяз болады деп болжанған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ауа райы ескерту