Қазақстанның бірқатар аймағында қатты аяз болады

Фото Tengrinews.kz/Тұрар Казанғапов

Қазақстанның кей өңірінде 12-13 наурызда тағы да ауа райының нашарлауына байланысты ескерту жарияланды, - деп хабарлайды Tengrinews.kz тілшісі "Қазгидрометке" сілтеме жасап.

Қазақстанның кей өңірінде 12-13 наурызда тағы да ауа райының нашарлауына байланысты ескерту жарияланды, - деп хабарлайды Tengrinews.kz тілшісі "Қазгидрометке" сілтеме жасап.

Солтүтік Қазақстан облысында 12-13 наурызда ауа температурасы минус 13-16-дан 25-30-ға дейін күрт төмендейді, кей жерлерде 22 градус аяз болады.

12 наурызға қараған түні Қарағандыда боран болып, оңтүстік-батыстан жел соғады. Түнде жел екпіні секундына 15-20 метрге дейін жетеді.

Сондай-ақ, 12-14 наурызда Шығыс Қазақстан облысының кей жерінде бұрқасын, тұман түседі. Оңтүстік-батыстан жел соғады, кей жерлерде жел екпіні секундына 23-28 метрге дейін жетеді.

Сонымен қатар, ауа температурасы 2-7-ден 20-30-ға дейін күрт төмендейді. Оңтүстке қарай 15 градусқа дейін аяз болады. 13 наурызда Қазақстанның басым бөлігінде қар жауады.

Өскеменде 12 наурызда көктайғақ, ал Семейде бұрқасын болады деп болжанды. Оңтүстік-батыстан секундына 15-20 метр жылдамдықпен жел соғады.

12 наурызда Қостанай облысының кей жерлерінде бұрқасын болып, тұма түседі. Батыс және солтүстік-батыстан жылдамдығы секундына 15-20 метр жел соғады.

Қызылорда облысында синоптиктер көктайғақ, бұрқасын болады деп болжап отыр. Солтүстік-шығыстан жел түнде секундына 15-20 метр, күндіз 15-20 метр, кей жерлерде секундына 25 метр жылдамдықпен соғады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Ауа райы Қазақстан соңғы жаңалықтар