+7 (777) 001 44 99
Қазақша
Русский
English
Қазақша
Русский
English
Биыл Қазақстанның қай өңірлерінде құрғақшылық күтіледі? Бұл туралы экология және табиғи ресурстар министрі Ерлан Нысанбаев айтты, - деп хабарлайды Tengrinews.kz тілшісі.
Үкімет отырысында Ерлан Нысанбаевтың айтуынша, биыл мамыр айы ыстық әрі құрғақ болады. Алайда астықты белдеуде, тау бөктеріндегі өңірлер мен елдің қиыр оңтүстігінде жауын-шашын мөлшері болжам бойынша климаттық нормаға жуық болады.
"Мамырда құрғақшылық Қостанай облысының оңтүстігінде, Батыс Қазақстан және Маңғыстау облыстарының оңтүстік-батыс жартысында, Қызылорда облысының солтүстік-батысында, Алматы және Жамбыл облыстарының солтүстігінде, Қарағанды облысының оңтүстігінде, сондай-ақ Ақтөбе, Атырау, Абай және Түркістан облыстарының жекелеген аудандарында күтіледі", – деді министр.
Министрдің айтуынша, еліміздің басым бөлігінде жылы әрі қарлы қыс болғандықтан, топырақтың жақсы ылғалдануына негіз болған. Қазақстанның солтүстік және орталық өңірлеріндегі егістік алқаптарда ылғал қоры негізінен қанағаттанарлық және оңтайлы деңгейде. Алайда сәуірдегі ыстық ауа райы белсенді булануға ықпал етті.
"Дәнді дақыл егілетін өңірлерде егіс жұмыстарын климаттық мерзімнен ерте жүргізу ұсынылады", – деді Нысанбаев.
Былтыр қазақстандық синоптиктер соңғы 20 жыл ең жылы кезең болғанын мәлімдеді. Қазақстанда ауа температурасы алдағы уақытта айтарлықтай қарқынмен өседі. Ал жауын-шашын бойынша өзгерістер айқын болмайды.
"Екі факторды біріктірсек, Қазақстанда құрғақшылық құбылыстарының күшеюі байқалады. Бұл үдеріс әсіресе елдің оңтүстік және батыс бөліктерінде айқын сезіледі", – деп мәлімдеді Қазгидромет.
Сонымен қатар жауын-шашын жиі нөсер түрінде түсетін болады, ал бұл топырақ қабаты жұқа өңірлерде эрозия үдерістерінің күшеюіне алып келеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
