Қазақстанның қай өңірлерінде пара беру және алу жиі анықталады?

Фото ©️ Турар Казангапов

Сыбайлас жемқорлыққа қарсы қызмет Қазақстанның қай өңірлерінде пара беру және алу жиі тіркелетінін айтты, - деп хабарлайды Tengrinews.kz тілшісі.

Сыбайлас жемқорлыққа қарсы қызмет Қазақстанның қай өңірлерінде пара беру және алу жиі тіркелетінін айтты, - деп хабарлайды Tengrinews.kz тілшісі.

Ведомство мәліметінше, 2024 жылы Қазақстанда 1346 қылмыстық құқық бұзушылық тіркелген, оның 1015-і (75 пайызы) - сыбайлас жемқорлыққа қатысты.

Сыбайлас жемқорлық қылмыстарының ең көбі Астана (155 факт), Шымкент (89) және Алматы (66) қалаларында, сондай-ақ Алматы облысында (68) және Абай облысында (54) тіркелген.

Қазақстан өңірлеріндегі сыбайлас жемқорлық

Сыбайлас жемқорлық құқық бұзушылықтар саны бойынша көш бастап тұрған өңірлер:

Астана - 155
Шымкент - 89
Алматы - 66
Алматы облысы - 68
Абай облысы - 54
Шығыс Қазақстан облысы - 53
Павлодар облысы - 51
Түркістан облысы - 49
Қарағанды облысы - 47
Жамбыл облысы - 45
Қызылорда және Қостанай облыстары - 44
Ақтөбе облысы - 41
Атырау облысы - 34
Батыс Қазақстан және Солтүстік Қазақстан облыстары - 30
Ақмола облысы - 24
Маңғыстау облысы - 22
Жетісу облысы - 49
Ұлытау облысы - 20

Сотталғандар саны және мемлекетке келтірілген залал

2024 жылы сыбайлас жемқорлық құқық бұзушылықтар үшін 988 адам жауапкершілікке тартылған. Антикор мәліметіне сәйкес, олардың ішінде:

ҚР ҚК 361-бабы (Лауазымдық өкілеттіктерін теріс пайдалану) бойынша - 52 адам;
366-бап (Пара алу) - 260 адам;
367-бап (Пара беру) - 348 адам;
368-бап (Парақорлыққа делдал болу) - 30 адам.

2024 жылы жалпы 914 адам сотталған, оның басым бөлігі 367-бап (297 жағдай) және 366-бап (242 жағдай) бойынша. Сондай-ақ 189-бап (Иемдену немесе ысырап ету) бойынша 128 адам сотталған.

Сыбайлас жемқорлыққа қарсы қызмет тергеген істер бойынша 660 адам сотталған. Оның ішінде:

361-бап бойынша - 31 адам;
Парақорлық бойынша - 457 адам (366-бап - 187 адам, 367-бап - 238 адам, 368-бап - 32 адам);
Басқа сыбайлас жемқорлық баптары бойынша - 172 адам.

Сотқа дейінгі аяқталған істер бойынша мемлекетке келтірілген залал - 486,1 миллиард теңге.

Мемлекеттік органдар мен қызмет салаларындағы сыбайлас жемқорлық

Ең көп сыбайлас жемқорлық қылмыс жасағандар:

Әкімдік қызметкерлері - 223;
Квазимемлекеттік сектор қызметкерлері - 106;
Ішкі істер органдары қызметкерлері - 102;
Ауыл шаруашылығы министрлігі - 29;
Қаржы министрлігі - 28;
Төтенше жағдайлар министрлігі - 14.

Сыбайлас жемқорлыққа ең бейім салалар:

Білім беру - 154 дерек;
Ауыл шаруашылығы - 63;
Денсаулық сақтау - 49;
Әлеуметтік қамсыздандыру - 48.

Соңғы үш жылдағы динамика

2022 жылдан 2024 жылға дейін сыбайлас жемқорлық қылмыстарының саны 9 пайызға азайған - 1118-ден 1015-ке дейін:

2022 жыл - 1118;
2023 жыл - 1099;
2024 жыл - 1015.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Сыбайлас жемқорлық антикор