+7 (777) 001 44 99
Қазақша
Русский
English
Қазақстанның он облысында ауа райының қолайсыздығына байланысты ескерту жарияланды, - деп хабарлайды Tengrinews.kz тілшісі "Қазгидромет" РМК мәліметіне сілтеме жасап.
6 маусымда күндіз Атырау облысының оңтүстігінде және орталығында найзағай ойнайды. Оңтүстік-батыстан жел соғып, күндіз оңтүстікте және облыс орталығында жел екпіні секундына 15-20 метрге жетеді.
Батыс Қазақстан облысының солтүстік-батысында, солтүстігінде нөсер, оңтүстікте, солтүстік-батыста, орталықта найзағай ойнап, бұршақ жаууы мүмкін. Оңтүстік-шығыстан жел соғады, оңтүстікте, солтүстік-батыста, орталықта, облыстың шығысында күндіз жел екпіні секундына 15-20 метрге жетеді.
6 маусымда күндіз солтүстікте, Маңғыстау облысының орталығында найзағай ойнап, құмды дауыл соғады. Оңтүстік-батыстан жел соғады, күндіз солтүстікте, оңтүстікте, облыс орталығында жел екпіні секундына 25 метр болады.
Ақтөбе облысының солтүстігі мен оңтүстігінде түнде найзағай ойнайды. Оңтүстік-шығыстан, оңтүстіктен жел соғады, екпіні секундына 15 метрге жетеді.
Қостанай облысының батысында, оңтүстігінде найзағай болады деп күтіледі. Оңтүстік-шығыстан жел соғады, күндіз облыстың шығысында жел екпіні секундына 15-20 метрге жетеді.
6 маусымда күндіз Түркістан облысы тауларында найзағай ойнайды. Шығыстан соғатын жел екпіні 15-20 м/сағ.
Алматы облысының таулы аймақтарында да найзағай ойнайды. Оңтүстік-шығыстан жел соғып, облыстың шығысында жел екпіні секундына 25 метрге жетеді.
Шығыста, Қарағанды облысының орталығында найзағай болады. Оңтүстік-шығыстан соғатын жел екпіні шығыста, облыс орталығында секундына 15-20 метрге жетеді.
6 маусымда түнде Шығыс Қазақстан облысының солтүстік-шығысында, шығысында найзағай ойнап, тұман түседі. Солтүстік-батыстан соғатын жел оңтүстік-батыста солтүстік-шығысқа ауысады, жел екпіні облыстың оңтүстігінде секундына 15-20 метр болады. Бүгін түнде облыстың батысында 1 градус аяз болады деп күтіледі.
6-7 маусымда күндіз Жамбыл облысының таулы аймақтарында күн күркіреп, бұршақ жаууы мүмкін. Оңтүстік-шығыстан соғатын жел солтүстік-шығысқа ауысады, облыстың солтүстік-шығысында таулы аймақтарда жел екпіні секундына 15-20 метрге жетеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
