"Қазақстанның оңтүстігіндегі митинг": полицейлер фейк авторларын тапты

Түркістан облысында жанармайдың қымбаттауына байланысты митинг өтті деген жалған ақпараттың авторлары анықталды, - деп хабарлайды Tengrinews.kz тілшісі.

ІІМ баспасөз қызметі мәліметінше, полицейлер Түркістан облысындағы Батыс Қытай - Батыс Еуропа автожолында заңсыз автожарыс өткізу орнынан митинг өткізу туралы жалған ақпаратты бейнежазбаға жазып, таратқан Сайрам ауданының екі тұрғынын анықтады.

"ҚР ҚК-нің 274-бабы бойынша "көрінеу жалған ақпарат тарату" бойынша соталды тергеу жүргізіліп жатыр. Барлық мән-жай анықталып жатыр", - делінген хабарламада.

Еске салайық, 13 сәуірде кешке Telegram-арналарында Шымкент-Самара тасжолында жанармайдың қымбаттауына наразы жұрт жанармай құю бекеттерінің жанына жиналып жатыр деген ақпарат пайда болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!