+7 (777) 001 44 99
Қазақша
Русский
English
Шымкенттен солтүстік өңірлерге 65 отбасы қоныс аударды. Жаңа қоныста олар тұрақты жұмыс пен мамандандырылған тұрғын үймен қамтамасыз етіледі. Бұл туралы "Ұлы Көш" қоғамдық ұйымының төрайымы хабарлады, - деп хабарлайды Tengrinews.kz тілшісі OTYRAR-ға сілтеме жасап.
Оңтүстіктен қоныс аударғандар Солтүстік Қазақстан және Павлодар облыстарында жаңа өмір бастауға ұйғарған. Мұндай қадамға итермелеген маңызды себеп – мемлекеттік әлеуметтік қолдау болды.
Қоныс аударған отбасыларға 275 мың теңгеге дейін бір реттік жәрдемақы және тұрғын үй құнының 50 пайызына дейінгі соманы жабуға арналған сертификаттар беріледі. Алайда бұл жеңілдіктерге ие болу үшін бірқатар шарттарды сақтау қажет.
"Шартқа сәйкес, қоныс аударушылар бес жыл толғанша қайта оралмауы тиіс, сондай-ақ олардың банк шоттары бұғатталмаған болуы қажет. Егер бұғат болса, қаржы мемлекеттік қолдау арқылы өтетін арнайы шотқа аударылады", – деді "Ұлы Көш" ұйымының төрайымы Ақлима Ертайқызы.
Қоныс аударушылардың басым бөлігі жаңа ортаға сәтті бейімделіп үлгерген. Жауапты органдар мәліметінше, олардың 90 пайыздан астамы тұрақты жұмысқа орналасқан.
Телеарна мәліметінше, оңтүстік өңірлерден солтүстікке көшуге ниеттілердің саны жыл сайын артып келеді. Биылдың өзінде Шымкенттен 116 отбасы қоныс аударуға өтініш берген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
