23 қазан 2020 | 17:18

Қазақстанның сегіз облысында боран соғып, тұман түседі

Қазақстанның сегіз облысында боран соғып, тұман түседі, - деп хабарлайды Tengrinews.kz тілшісі.

Ақмола облысының кей жерлерінде тұман, көктайғақ, бұрқасын күтіледі. Оңтүстік-батыстан жел соғады, күндіз кей жерлерде секундына 15-20 метр жылдамдықпен соғады. Көкшетауда 24 қазанда күндіз бұрқасын, көктайғақ, оңтүстік-батыстан жел соғады, екпіні секундына 15-20 метр болады.

Атырау облысының кей жерлерінде тұман түсіп, оңтүстік-батыстан секундына 15-20 метр жел соғады.

Ақтөбе облысының кей жерлерінде жауын-шашын (қар, жаңбыр), көктайғақ күтіледі. Оңтүстіктен, оңтүстік-батыстан, күндіз кей жерлерде секундына 18 метр жел соғады.

Қызылорда облысында түнде 1-6 градус үсік жүреді. Қызылордада 24 қазанға қараған түні 1-3 градус үсік жүреді.

Батыс Қазақстан облысының кей жерлерінде тұман түседі. Оңтүстік-батыстан жел соғады, кей жерлерде секундына 15-20 метр жылдамдықпен соғады. Оралда түнде және таңертең тұман түседі.

Қостанай облысында күндіз кей жерлерде қатты жауын-шашын (жаңбыр, қар) күтіледі. Кей жерлерде тұман түседі. Түнде және таңертең кей жерлерде көктайғақ болады. Оңтүстік-батыстан, оңтүстіктен жел соғады, түнде кей жерлерде секундына 15-20 метр, күндіз 15-20 метр, екпіні секундына 23 метр. Қостанайда күндіз оңтүстік-батыстан, оңтүстіктен жел соғады, екпіні секундына 15-20 метр.

Қарағанды облысының кей жерлерінде көктайғақ, бұрқасын күтіледі. Оңтүстік-батыстан жел соғады, кей жерлерде секундына 15-20 метр жылдамдықпен соғады.

Солтүстік Қазақстан облысының кей жерлерінде тұман, көктайғақ, бұрқасын күтіледі. Батыстан, оңтүстік-батыстан жел 15-20 м / с, күндіз екпіні секундына 25 м/с жетеді. Петропавлда күндіз көктайғақ болады, батыстан, оңтүстік-батыстан жел соғады, екпіні секундына 15-20 метр.

Қазақстан жаңалықтары. Соңғы жаңалықтар. Telegram желісінде бізге жазыл!

Ауа райы

TENGRI travel