+7 (777) 001 44 99
Қазақша
Русский
English
Полиция департаменті мәліметінше, Қостанай облысында тасжолдарды тарылту басталды, - деп хабарлайды Tengrinews.kz тілшісі.
Бұл шешім алаңдатарлық статистикаға байланысты қабылданғаны айтылды. Жыл басынан бері өңірде 338 жол-көлік оқиғасы тіркелген. Бұл апаттардың салдарынан 10 адам қаза тауып, тағы 489 адам түрлі жарақаттар алған.
Сурет: Қостанай облысы ПД
Негізгі себеп – жол жүру ережелерін бұзу, бірінші кезекте жылдамдықты асыру және маневрды дұрыс жасамау.
Жосықсыз жүргізушілердің кесірінен 78 жол апаты болып, 4 адам қайтыс болған, 121 адам жарақат алды. Қарсы бағытқа шығу 8 ірі жол апатына себеп болды – 3 адам қаза тауып, 21 адам жарақат алды. Көліктер арасындағы қашықтықты сақтамау 17 оқиғаға және 23 жарақатқа әкелді.
Сурет: Қостанай облысы ПД
Ең қауіпті учаскелер анықталды. Дәл сол жерлерге жолды тар етіп көрсететін уақытша қоршаулар орнатылып жатыр.
Пилоттық учаскелер ретінде Қостанай – Әулиекөл – Сұрған және Қостанай – Рудный – Денисовка бағыттарындағы тасжолдар таңдалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
