+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Telegram мессенджерінде тағы Қазақстандағы мектептерге қатысты фейк тарап жатыр, - деп хабарлайды Tengrinews.kz тілшісі StopFake.kz сайтына сілтеме жасап.
Telegram мессенджерінде тағы Қазақстандағы мектептерге қатысты фейк тарап жатыр, - деп хабарлайды Tengrinews.kz тілшісі StopFake.kz сайтына сілтеме жасап.
Telegram мессенджерінде балалар жаппай ауырып, ата-анасы COVID-19-ға қарсы екпе салдыруға мәжбүр болуы үшін мектеп кабинеттері қауіпті химикаттармен өңделіп жатыр деген фейк тағы да тарап жатыр.
Хабарламаға мектептегі санитарлық тазалау жұмыстары көрсетілген видео қосылған.
"Бұл кадрлар қайда және қашан түсірілгенін анықтау мүмкін емес. Қоғамдық орындарды санитарлық өңдеумен айналысатын қазақстандықтардың киімі видеода көрсетілгеннен өзгеше", - делінген сайт мәліметінде.
Қазақстанда мектептерде улы заттар шашады деген қауесет - ҚР ДСМ Санитарлық-эпидемиологиялық бақылау комитеті бірнеше рет теріске шығарған фейк.
"Қазақстанда мектептерді, ауруханаларды және басқа да қоғамдық орындарды дезинфекциялау үшін уытты емес және денсаулыққа қауіпсіз заттар пайдаланылады. Барлық құралдар сертификатталған, тізілімге енгізілген және қолдану бойынша нақты нұсқаулықтары бар, онда санитарлық өңдеуге арналған ерітінділерді дайындау пропорциялары көрсетілген", - деді комитеттің ресми өкілі Ержан Байтанаев.
Бұған дейін мессенджерлер қолданушылары Қазақстандағы балалар жаппай ауыра бастайтыны, себебі "мектептер мен балабақшаларға азот оксиді мен бериллий шашылады" деген хабарламаны талқылаған болатын. Бұл "ата-аналарды балаларына COVID-19-ға қарсы вакцинациялауға мәжбүрлеу әрекеті" делінген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
