+7 (777) 001 44 99
Қазақша
Русский
English
Қазақша
Русский
English
"Қазпошта" АҚ басқарма төрағасы өкілеттігін мерзімінен бұрын тоқтату туралы арыз жазды, - деп хабарлайды Tengrinews.kz тілшісі sk.kz сайтына сілтеме жасап.
"27 тамызда "Самұрық-Қазына" АҚ Басқармасы "Қазпошта" АҚ Басқарма төрағасы Қанат Алпысбаевтың өз уәкілеттілігін мерзімінен бұрын тоқтату туралы өтінішін қарап, 2021 ж. 1 қыркүйегінен бастап "Қазпошта" АҚ Басқарма төрағасының міндетін атқаруды Серік Саудабаевқа жүктеу туралы шешім қабылдады", - делінген хабарламада.
Серік Саудабаев 1977 жылы туған. Жоғары экономикалық және жоғары заңгерлік білімі бар. 2010 жылдың маусым айынан бастап осы уақытқа дейін, "Самұрық-Қазына" АҚ-ның "Қазақтелеком" және "Қазпошта" сияқты активтеріне жауапты салалық дирекциясын басқарды. 2010-2014 жылдар аралығында және 2016 жылдан осы уақытқа дейін Серік Саудабаев "Қазпошта" АҚ директорлар Кеңесінің мүшесі.
Сонымен қатар, Серік Саудабаев "Қазақтелеком" АҚ мен " Kcell" АҚ директорлар Кеңесінде акционер мүддесінің өкілі және "QazCloud" ЖШС Бақылаушылар кеңесінің мүшесі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
