“Қазселденқорғау“ экс-басшысы Көкірекбаевқа жаңа үкім шығарылды

Дина Шарипханова Корреспондент

Кәрім Көкірекбаев. Фото: president.kg

Алматы облысының қылмыстық істер жөніндегі мамандандырылған ауданаралық соты "Қазселденқорғау" бұрынғы басшысы Кәрім Көкірекбаевқа қатысты үкім шығарды, - деп хабарлайды Tengrinews.kz тілшісі.

Алматы облысының қылмыстық істер жөніндегі мамандандырылған ауданаралық соты "Қазселденқорғау" бұрынғы басшысы Кәрім Көкірекбаевқа қатысты үкім шығарды, - деп хабарлайды Tengrinews.kz тілшісі.

Сот мәліметінше, Көкірекбаев пен оның бұрынғы орынбасары аса ірі көлемде пара алу дерегі бойынша айыпталған. Үшінші тұлға – ЖШС директоры – аса ірі көлемде пара беру және жымқыру мақсатынсыз мүліктік залал келтіру бойынша айыпталған.

"Сотпен анықталғаны, К. мен А. лауазымды тұлғалар бола отырып, ТОО директоры П.-мен сөз байласып, орындалған жұмыстар актілеріне кедергісіз қол қою үшін одан аса ірі мөлшерде пара алған. Сондай-ақ, П. шын мәнінде орындалмаған құрылыс-монтаж жұмыстарының актілеріне қол қоюды ұйымдастырған", - делінген сот хабарламасында.

Осы әрекеттердің салдарынан мемлекеттік мекемеге 1 987 827 622,63 теңге көлемінде залал келтірілген.

Алқабилердің үкімі бойынша, Көкірекбаев пен оның бүрынғы орынбасары кінәлі деп танылды.

"Сот үкімі бойынша, К.-ға 12 жылға, А. мен П.-ға 11 жылға бас бостандығынан айыру жазасы тағайындалды. Сотталғандар өмір бойына мемлекеттік қызметте лауазымды қызмет атқару құқығынан айырылды".

Үкім заңды күшіне енген жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Сот төрелігі