+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"ҚазТрансОйл" басшысы Димаш Досановтың өкілеттігі мерзімінен бұрын тоқтатылды, - деп хабарлайды Tengrinews.kz тілшісі sk.kz сайтына сілтеме жасап.
"ҚазТрансОйл" басшысы Димаш Досановтың өкілеттігі мерзімінен бұрын тоқтатылды, - деп хабарлайды Tengrinews.kz тілшісі sk.kz сайтына сілтеме жасап.
"2022 жылдың 14 қаңтарынан бастап Димаш Досановтың "ҚазТрансОйл" АҚ бас директоры (басқарма төрағасы) ретіндегі өкілеттігі мерзімінен бұрын тоқтатылды", - делінген хабарламада.
Димаш Досанов 1981 жылы Алматыда дүниеге келген. Үш жоғары білімі бар. Әл-Фараби атындағы Қазақ ұлттық университетін, Тұрар Рысқұлов атындағы Қазақ экономикалық университетін тәмамдаған, сондай-ақ Джорджтаун университетінің (АҚШ) іскерлік әкімшілендіру магистрі (МВА) дәрежесіне ие. Қазақ, орыс, ағылшын және италиян тілдерін меңгерген.
Еңбек жолын 2002 жылы Алматы қаласы Медеу ауданы әкімі аппаратының жанындағы шағын және орта бизнесті дамыту қауымдастығының менеджері болып бастаған.
2004 жылы ҚР Индустрия және сауда министрлігінің Инновациялық саясат және жаңа технологияларды дамыту департаментінің жаңа технологияларды дамыту бөлімінің жетекші маманы болып жұмыс істеді.
2004 жылдан 2006 жылға дейін "ҚазМұнайГаз "БӨ" АҚ-да әкімшілік департаментінің менеджері, бас директордың көмекшісі, Ақпараттық технологиялар департаментінің бас менеджері, технологиялық процестерді басқару жүйелерін автоматтандыру департаментінің аға инженері лауазымдарында еңбек етті.
2006-2010 жылдары - қазақстандық "ҚазМұнайГаз" ҰК АҚ дамыту департаменті директорының орынбасары.
2010 жылдан 2014 жылға дейін - "ҚазМұнайГаз" ҰК АҚ атынан "ҚМГ Қашаған Б.В" іссапарға жіберілген NCOC сервисі жөніндегі бас менеджерінің орынбасары, сервис жөніндегі бас менеджері.
2014 жылдан 2016 жылдың қаңтарына дейін - "Қазақстан-Қытай құбыр желісі" ЖШС бас директоры.
2016 жылғы 15 қаңтарда "ҚазТрансОйл" АҚ басқарма мүшесі болып сайланды.
2016 жылдың қаңтарынан бастап осы уақытқа дейін "ҚазТрансОйл" АҚ бас директорының бірінші орынбасары лауазымын атқарды. 2016 жылғы тамызда "ҚазТрансОйл" компаниясының бас директоры болып тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
