+7 (777) 001 44 99
Қазақша
Русский
English
Ресей, Беларусь пен Қазақстанның Кеден одағы жеміс-жидекті жалтыр, дәмді әрі ұзаққа шыдамды ететін Е912 тағам қоспасынан бас тартуы мүмкін, - деп жазады "Российская газета".
Ресей мемлекеттік органдары ақпараттарының бірыңғай порталында жарияланған заң жобасында осындай норма бар. Бірақ сарапшылардың айтуынша, бұл шартты түрдегі бастама, себебі ресейлік өндірушілер бұл қоспаны бұрыннан қолданбайды.
Басылымның хабарлауынша, бұл тағам қоспасы жеміс-жидекті өңдеуге қолданылады, соның әсерінен оларға жәндіктер тимейді. Кеден одағы техникалық регламентіне сәйкес, E912-ні цитрус жемістеріне, қауынға, манго, папайя, авокадо, ананас, алма сияқты жемістерге қолдануға болады.
Еске сала кетейік, бұған дейін Кеден одағының ет өнімдеріне бірыңғай талап енгізетіні хабарланған болатын. Бұл талап бойынша мал арнайы бөлінген орындарда ғана сойылуы тиіс, ол жерлерде ет және ет өнімдерін өндіру нысандарын пайдалану жөніндегі гигиеналық, ветеринарлық-санитарлық талаптар сақталуы керек.
