Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Кешенді экспедиция Ұлытау өңіріне жол тартты

11 Тамыз 2014, 18:23
0
©Сәулет Сәкенов
©Сәулет Сәкенов
©Сәулет Сәкенов
©Сәулет Сәкенов
©Сәулет Сәкенов
©Сәулет Сәкенов

Қазақстан ұлттық география қоғамының кешенді экспедициясы Ұлытауға аттанды, - деп хабарлайды Massaget.kz тілшісі. 

Ұлытау өңірінің тарихи мекендерін толық көлемде қайта зерттеп, жаңа ғылыми-қалпына келтіру жобаларын іске асыруды көздейтін саяхат - Қазақстан ұлттық география қоғамының бұл өлкеге жасалатын алғашқы экспедициясы. Ғалымдар осы сапарында Едіге, Тоқтамыс және Ұлытауда жерленген басқа да айтулы тарихи тұлғалардың басына барады.

 

Экспедиция жетекшісі – Қазақстан ұлттық география қоғамының ғылыми жобалар бойынша аға менеджері Сәулет Сәкенов. Саяхатқа 27 адам қатысып жатыр. Олардың арасында географтар, ботаниктер, тарихшылар, өлкетанушылар мен журналистер бар.

Ғылыми-танымдық экспедицияның тағы бір негізгі мақсаты - жаңа археологиялық ошақтарды табу. Зерттеушілер Ұлытаудың солтүстігінен 35 шақырым қашықтықта орналасқан "Хан ордасы" тарихи мекеніндегі "Ұлытау" мұражайының археологиялық жұмыстарына қатысатын болады.

Еске сала кетейік, аталған экспедиция тамыздың 22-сіне дейін жалғасады.

Бұған дейін Қарағанды облысында Ұлытау ұлттық табиғи саябағын құру жоспарланып отырғаны хабарланған еді. Сәкеновтің хабарлауынша, келешекте Қазақстан ұлттық география қоғамы осы тарихи ескерткіштерге бай өңірде туризмді дамытуды мақсат етеді. Экспедиция шеңберінде туристік бағыттар мен Ұлытау өңірінің Интернетке арналған карта-схемасы жасалмақ. Саяхаттың нәтижесінде деректі фильм әзірлеу де жоспарда бар.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай