+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Киіктердің қырылуы туралы тақырып бүгін Парламент Мәжілісінде қозғалды. Олар бұл сұрақтың қазір халықты алаңдатып отырғанын мәлімдеп, ауыл шаруашылығы вице-министрінен бұл үдерісті қалай тоқтатуға болатынын сұрады, - деп хабарлайды Tengrinews.kz тілшісі.
Киіктердің қырылуы туралы тақырып бүгін Парламент Мәжілісінде қозғалды. Олар бұл сұрақтың қазір халықты алаңдатып отырғанын мәлімдеп, ауыл шаруашылығы вице-министрінен бұл үдерісті қалай тоқтатуға болатынын сұрады, - деп хабарлайды Tengrinews.kz тілшісі.
"Қазіргі таңда қырылған киіктердің саны 100 мыңға таяп қалды. Себебі пастереллез болып отыр. Біздің мамандардың мәліметіне қарағанда, пастереллезден де басқа себеп болуы мүмкін, сондықтан бұл мәселеге қатысты біз бүгінгі таңда Италия мен өзге де елдерден мамандарды тарттық. Олар қажетті зерттеулерді жүргізеді және сол зерттеулердің қорытындысына сәйкес тиісті шараларды қолға аламыз", - деді төменгі палатаның кеңейтілген отырысы барысында ауыл шаруашылығы вице-министрі Сапархан Омаров.
"Сұрақ өте орынды, маңызды, жүйелі сипатқа ие, ол жылдан жылға жалғасып келеді. Бұл мәселенің шешімін табу керек", - деді Мәжіліс спикері Қабиболла Жақыпов.
Бұл мәселеге қатысты депутат Алдан Смайыл да өз ойымен бөлісті. Оның ойынша, жануарлардың қырылуы "Байқоңыр" ғарыш айлағымен, дәлірек айтқанда "Протон" зымыранымен байланысты.
"Біз Байқоңырдан ұшырылатын "Протонның" бағытын жақсы білеміз - ол Ақмола облысының жері, Алтай және содан әрі қарай кетеді, тап сол бағытта көктем кездері жаппай көші-қон болды, тап сол жол мың және мыңдаған жануар үшін ажалды болды. Сондықтан ол қауіп қазір күшейіп келеді және мен, сіздер жол бағытта жұмыс жүргізбейсіздер ме деп қорқамын", - деді Смайыл вице-министрден оның ведомствосында жануарларды қорғаумен айналысатын қызметтің бар-жоғын сұрап.
"Менің ойымша, уланған өсімдіктердің өзі жаппай қырылуға себепші болуы мүмкін. Сіздер өсімдіктер карантинін жариялауға тиісті емессіздер ме", - деді депутат.
Омаровтың айтуынша, ондай қызмет бар, дегенмен ведомство өсімдіктер мен жануарлардың жағдайын үнемі бақылап отыратын мекеме құруды жоспарлап отыр.
Айта кетейік, осыдан бір күн бұрын ҚР ИДМ Аэроғарыш комитеті төрағасының міндетін атқарушы Мейірбек Молдабеков "Протонның" құлауы мен киіктердің қырылуы арасында тікелей байланыс жоқ деп мәлімдеді. Алайда ол бұл мәселеге қатысты ғылыми зерттеу жүргізу қажеттігін айтты.
