Қиранды астынан Қазақстан Туын алып шыққан: Тоқаев Шымкент тұрғындарына алғыс жариялады

Дина Шарипханова Корреспондент

Фото: TikTok/ernar_ahmetjan

Мемлекет басшысы Қасым-Жомарт Тоқаев Шымкент қаласының жұртшылығымен кездесуінде Қазақстан Туын қирандылардың астынан алып шығуға атсалысқан жергілікті тұрғындарды марапаттады, - деп хабарлайды Tengrinews.kz тілшісі Ақорда сайтына сілтеме жасап.

Мемлекет басшысы Қасым-Жомарт Тоқаев Шымкент қаласының жұртшылығымен кездесуінде Қазақстан Туын қирандылардың астынан алып шығуға атсалысқан жергілікті тұрғындарды марапаттады, - деп хабарлайды Tengrinews.kz тілшісі Ақорда сайтына сілтеме жасап.

Президент былтыр стадионда футбол матчы болып жатқанда спорт кешенінің шатыры Тудың тұғырын басып қалғанын еске салып, сол кезде тұрғындар қауіп-қатерге қарамастан, шатырдың астынан Көк байрағымызды алып шыққанын ерекше атап өтті.

"Олардың Отанға деген адалдығын жастарға үлгі ету керегін айтқан Мемлекет басшысы Әбілқайыр Дәулетов, Бекмұрат Қараев және Нұркен Намазға алғысын жариялады, - делінген Ақорда хабарламасында.

Еске салайық, мамырда TikTok желісінде стадионның шатыры опырылған сәтте Шымкент тұрғындары үйінді астынан Туды алып шыққан видео пайда болған еді.

@ernar_ahmetjan Көк туын жерге тастамаған қазағым #көк ту #Қазахстан ♬ Мен Қазақпын - Қуандық Рахым

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Шымкент Қасым-Жомарт Тоқаев