+7 (777) 001 44 99
Қазақша
Русский
English
Мәжіліс депутаттары Үкіметке қосымша құн салығының (ҚҚС) жаңа шегін белгілеу туралы қарсы ұсыныс жолдады, - деп хабарлайды Tengrinews.kz тілшісі.
20 ақпанда Парламентке Салық кодексіне түзетулер енгізу жобасы ұсынылған болатын. Ол ҚҚС бойынша міндетті тіркеу шегін 20 000 АЕК-тен (78,6 миллион теңге) 3 800 АЕК-ке (15 миллион теңге) дейін төмендетуді қарастырады.
Депутат Азат Перуашев бұған дейін мұнымен келіспеді, оның пікірінше, қазақстандықтар бұдан былай шағын бизнеспен айналысқысы келмей қалады. "Шекті төмендету кәсіпкерлердің ең төменгі жалақыдан да төмен табыс алуына әкеп соқпауы керек", - деді ол.
"Бүгін Мәжілістің жұмыс тобы Үкіметтің шекті 3800 АЕК (15 миллион теңге) деңгейіне дейін төмендету туралы ұсынысына жауап ретінде енгізілген ҚҚС шекті мәнін 20 мың АЕК (78 миллион теңге) деңгейінде белгілеу туралы "Ақ жол" фракциясының түзетуін Үкіметтің талқылауына ұсынды", - деді мәжілісмен 6 наурызда.
Сонымен депутаттардың қарсы ұсынысы - Қазақстанда ҚҚС бойынша шекті төмендетуден бас тарту. Үкімет бұл құжатқа әлі пікір білдірген жоқ.
Еске салайық, Үкіметтің кеңейтілген отырысында премьер-министр Олжас Бектенов Қазақстанда ҚҚС мөлшерлемесін арттыру қажет екенін мәлімдеді. Мемлекет басшысы реформалар туралы шешімді қолдады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
