+7 (777) 001 44 99
Қазақша
Русский
English
Көкшетауда Вернадский көшесіндегі көппәтерлі үй ресми түрде апатты деп танылды. Ондағы 90 отбасы баспанасыз қалды, - деп хабарлайды "Көкшетау Азия".
Бұл үйдің жайы бұрыннан белгілі. Осы аптада қала әкімінің орынбасары Сағындық Шабаров қатысқан жиын өтті. Оның айтуынша, жүргізілген сараптама нәтижесі үйдің апатты жағдайда екенін растады. Сондай-ақ, шенеунік аталған ауданда көпқабатты тұрғын үй құрылысы белгіленетінін айтты. Онда осы тұрғындарды қоныстандыру жоспарланған.
Осы сәтке дейін тұрғындардың жеке баспанасы болса, енді оларға жалдамалы пәтер ұсынбақ. Олар наразылық білдіргенімен, заңға сәйкес, мұндай жағдайда тек жалдамалы тұрғын үй алуға болатыны айтылды.
"Заң аясында 90 меншік иесі пәтерінен айырылғалы отыр. Әлдеқайда кезекке тұрсын дейсіздер. Бізге жалдамалы емес, жеке баспана беруге дайын болмаса, бұл соңғысынан айыратын қандай мемлекет?" - дейді тұрғындардың бірі наразылығын айтып.
Мәселені шешу үшін адамдар облыс әкімі мен депутаттарды тартуды талап етті.
Бұдан басқа, әкімдік өкілдері заңға сәйкес, үй апатты деп танылған сәттен бастап, оның тұрғындарын жоспарланған үйлердің салынуын күтпестен, бірден көшіру қажет екенін еске салды.
