+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Қазгидромет" РМК синоптиктері 12 қаңтарда елдің бірнеше өңірінде қар мол жауып, көктайғақ болатынын және жаяу бұрқасын мен екпіні күшті жел соғатынын болжады, - деп хабарлайды Tengrinews.kz тілшісі.
"Қазгидромет" РМК синоптиктері 12 қаңтарда елдің бірнеше өңірінде қар мол жауып, көктайғақ болатынын және жаяу бұрқасын мен екпіні күшті жел соғатынын болжады, - деп хабарлайды Tengrinews.kz тілшісі.
Алматы облысының таулы аудандарында қар мол жауады. Түнде облыстың басым бөлігінде, күндіз шығысында көктайғақ. Облыстың оңтүстігінде, таулы аудандарында тұман. Солтүстік-батыстан соғатын жел шығыс бағытқа ауысады, облыстың солтүстігінде, шығысында екпіні 15-20 м/с болады.
Алматыда түнде көктайғақ, кей уақытта тұман.
Қарағанды облысының солтүстігінде, шығысында жаяу бұрқасын. Оңтүстік-батыстан, оңтүстіктен жел соғады, күндіз облыстың солтүстігінде екпіні 18 м/с болады.
Атырау облысының солтүстігінде, оңтүстігінде, шығысында бұрқасын, көктайғақ. Оңтүстік-батыстан жел соғады, облыстың басым бөлігінде екпіні секундына 15-20 метрге жетеді.
Ақтөбе облысының батысында, солтүстігінде бұрқасын. Күндіз облыстың батысында, солтүстігінде көктайғақ болады. Оңтүстіктен, оңтүстік-батыстан жел соғады, түнде облыстың батысында, солтүстігінде, күндіз басым бөлігінде екпіні - 15-20 м/с.
Ұлытау облысының шығысында жаяу бұрқасын.
Түркістан облысының таулы және тау бөктерлі аудандарында көктайғақ болады. Облыстың оңтүстігінде, батысында, таулы және тау бөктерлі аудандарында тұман. Оңтүстік-шығыстан жел соғады, түнде облыстың тау асуларында екпіні 15-20 м/с-қа жетеді.
Шымкентте түннің бірінші жартысында көктайғақ болады, түнде және таңертең тұман.
Жетісу облысының таулы аудандарында қар мол түседі, күндіз көктайғақ болады. Облыстың таулы аудандарында тұман түседі. Оңтүстік-батыстан жел соғады, облыстың солтүстік-шығысында 15-20, түнде екпіні 23-28 м/с болады.
Маңғыстау облысының оңтүстігінде, шығысында, күндіз облыстың басым бөлігінде көктайғақ. Оңтүстік-шығыстан жел соғады, күндіз облыстың оңтүстігінде екпіні 15-20 м/с болады.
Батыс Қазақстан облысының солтүстік-шығысында қар мол жауады. Облыстың солтүстігінде, шығысында, орталығында жаяу бұрқасын. Күндіз облыстың батысында, оңтүстігінде тұман, көктайғақ. Оңтүстік-батыстан соғатын жел солтүстік-батысқа ауысады, облыстың солтүстігінде, шығысында, орталығында екпіні - 15-20 м/с.
Шығыс Қазақстан облысының басым бөлігінде, күндіз облыстың солтүстігінде, шығысында бұрқасын. Оңтүстік-батыстан соғатын жел оңтүстік-шығысқа ауысады, облыстың батысында, шығысында, орталығында 15-20, түнде екпіні 23 м/с-қа жетеді.
Абай облысының солтүстігінде, оңтүстігінде, орталығында бұрқасын. Оңтүстік-батыстан соғатын жел оңтүстік-шығысқа ауысады, облыстың солтүстігінде, оңтүстігінде, орталығында 15-20, түнде екпіні 23 м/с болады.
Қызылорда облысының солтүстігінде, шығысында тұман.
Солтүстік Қазақстан облысының батысында, солтүстігінде бұрқасын. Оңтүстік-батыстан, оңтүстіктен жел соғады, күші 15-20, күндіз облыстың батысында, оңтүстігінде екпіні секундына 23-28 метрге жетеді.
Ақмола облысының батысында, солтүстігінде жаяу бұрқасын Оңтүстік-батыстан, оңтүстіктен жел соғады, күндіз облыстың батысында, солтүстігінде екпіні 15-20, кей уақыттарда 23-28 м/с болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
