+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда 22 жастағы қыздың зорлануына қатысты атышулы іс бойынша сот үкімі шықты. Бұған дейін Элина есімді жәбірленуші зорлықтың құрбаны болғанын мәлімдеді. Оның сөзінше, барда коктейль берген танысы кейін үйіне апарып зорлаған, - деп хабарлайды Tengrinews.kz тілшісі.
Алматыда 22 жастағы қыздың зорлануына қатысты атышулы іс бойынша сот үкімі шықты. Бұған дейін Элина есімді жәбірленуші зорлықтың құрбаны болғанын мәлімдеді. Оның сөзінше, барда коктейль берген танысы кейін үйіне апарып зорлаған, - деп хабарлайды Tengrinews.kz тілшісі.
Бұл іс Алматы қаласы Медеу ауданының №2 аудандық сотында қаралды. Қыз зорлады деп айыпталған 34 жастағы К.-ға қатысты қылмыстық іс жабық режимдегі сотта қаралды.
Сот мәліметінше, былтыр 9 наурызға қараған түні К. қаланың түнгі клубтарының бірінде демалып жүріп, сол уақытта өзінің құрбыларымен жүрген танысы О-мен кездескен. Кейін К. оны үйіне шығарып саламын деген сылтаумен өз пәтеріне әкелген.
"Одан соң жәбірленушінің дәрменсіз күйін, яғни ішімдікке мас болғанын пайдаланып, зорлық-зомбылық көрсетіп, жәбірленушінің еркінен тыс жыныстық қатынас жасаған. Осылайша сотталушы зорлау ісін жүзеге асырған", - деп жазылған мәліметте.
Сотталушы кінәсін мойындамады және соттан өзін ақтауды, бас бостандығынан айырмауды сұрады. Прокурор сотталушыны кінәлі деп тануды және 5 жыл 4 айға бас бостандығынан айыруды сұрады.
Сотталушының кінәсі іс бойынша жиналған сараптамалардың қорытындылары, жәбірленуші мен куәгерлердің айғақтары арқылы дәлелденді.
Сот үкімімен ол Қылмыстық кодекстің 120-бабы 1-бөлімі бойынша кінәлі деп танылды және оған 5 жылға бас бостандығынан айыру түріндегі жаза тағайындалды, сотталушы жазасын қауіпсіздігі орташа қылмыстық-атқару жүйесі мекемесінде өтейді.
Үкім заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
