+7 (777) 001 44 99
Қазақша
Русский
English
Комиссия Нұр-Сұлтанда қайтыс болған әйелді коронавирус салдарына жатқызбады, - деп хабарлайды Tengrinews.kz тілшісі елорда әкімдігінің сайтына сілтеме жасап.
"Бұған дейін хабарлағандай, өлімнің басты себебі прогрессивті жүрек-қан тамырлары жеткіліксіздігінен туындаған қайтымсыз органикалық әсерден болған. Сонымен қатар, коронавирус инфекциясымен бірге басқа да аурулармен ауырған. Осыған байланысты, Нұр-Сұлтан қаласының қоғамдық денсаулық сақтау басқармасында КВИ тесті оң нәтижелі болған науқастардың өлім-жітімін зерттеу комиссиясы бұл жағдайды КВИ салдарынан қайтыс болған жоқ деген шешім шығарды", - делінген хабарламада.
Еске салайық, COVID-19-дан көз жұмған астаналық әйел дәрігер болған
"1958 жылы туған дәрігер әйел коронавирус инфекциясынан қайтыс болды. Ол жеке медициналық ұйымда жұмыс істеген. Зейнетке шыққан, алайда жұмысын жалғастыра берген", - деп хабарлады Нұр-Сұлтан Қоғамдық денсаулық сақтау басқармасының баспасөз хатшысы Айжан Иса.
Сонымен қатар, кеше 1977 жылы туған ер адамның өлімі туралы белгілі болды.
Қазақстан жаңалықтары. Соңғы жаңалықтар. Telegram желісінде бізге жазыл!
