+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мәдениет және спорт вице-министрі Ержан Еркінбаев Қонаевтан казиноны көшіру туралы ақпаратқа қатысты пікір білдірді, - деп хабарлайды Tengrinews.kz тілшісі.
Мәдениет және спорт вице-министрі Ержан Еркінбаев Қонаевтан казиноны көшіру туралы ақпаратқа қатысты пікір білдірді, - деп хабарлайды Tengrinews.kz тілшісі.
Шымбұлақта өткен туризм саласының өкілдерімен кездесу барысында Tengrinews тілшісі мәдениет және спорт вице-министрі Ержан Еркінбаевқа Қонаевтағы ойын аймағының болашағы туралы сұрақ қойды. Вице-министрдің айтуынша, ойын бизнесі биылғы бірінші жартыжылдықта ғана бюджетке 80,4 миллиард теңге әкелген. Бұл салада қазір 4 мыңға жуық адам еңбек етеді. Оның құрамына алты казино кіреді - бесеуі Қонаевта және біреуі Бурабайда, сондай-ақ букмекерлік кеңселер бар.
"Бес казино дабыл қағатындай онша көп емес. Жалпы, менің ойымша, тек біздің елде ғана казинолар жаман деп қалыптасқан. Казиноны қылмыс, ішімдік, күш қолдану және бақытсыз отбасымен байланыстырады. Бұл ретте басқа елдерде казино - бұл әдемі іс-шаралар, концерттер... Көбі ойынханаға ойнау үшін емес, туристік мақсатпен барады. Сондықтан, Қонаевтағы ойынхананы жабу мәселесі күн тәртібінде тұрған жоқ деп ойлаймын. Біз казино қызметін жеңілдету немесе керісінше шектеу туралы айтып отырған жоқпыз. Олар заң аясында жұмыс істейді. Бір ғана жайт, жыл өткен сайын олардың іс-шараларына көбірек көңіл бөлеміз. Биыл облыс прокуратурасы және министрлік бастамасымен тексеру жүргізілді. Біз фактілерді, заңбұзушылықтарды анықтадық, кінәлілер ауыр жазаға тартылды, оның ішінде өтемақы төлеу және тіпті лицензиядан айыру, бұл ойын автоматтары залдарына қатысты. Барлығы мұқият тексерілсе, ойынхананың жұмысы қиындық тудырмайды", - деді вице-министр Ержан Еркінбаев.
Казиноның облыстың әкімшілік орталығы мәртебесіне ие қалада орналасуына қатысты Еркінбаев әлемде Сингапур немесе Оңтүстік Корея сияқты мемлекет астанасында ойын алаңдарын орналастыру мысалдары бар екенін атап өтті. Бұл ретте жергілікті тұрғындардың оларға баруына белгілі бір шектеулер енгізілуі мүмкін.
"Облыс әкімшілігі шенеуніктерінің ол жаққа бару мүмкіндігіне келетін болсақ, менің ойымша, олар барғысы келмейді. Казинолар құзырлы органдарға шенеуніктер туралы мәлімет береді", - деді Еркінбаев.
Еске салайық, Алматы облысының прокуратурасы ойынханалар мен ойын автоматтары залдарына тексеру жүргізіп, 305 қазақстандық шенеуніктің ойынханада 507 миллион теңге жұмсағанын анықтаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
