+7 (777) 001 44 99
Қазақша
Русский
English
Қорғаныс министрі Руслан Жақсылықов Талдықорғандағы әскери-әуе базасында екі әскери қызметкер зардап шегіп, біреуі қаза тапқан оқиғаға қатысты пікір білдірді, - деп хабарлайды Tengrinews.kz тілшісі.
Министрдің айтуынша, әуебазасында қауіпсіздік шараларын бұзу салдарынан апат болған. Бұл ретте, Жақсылықовтың айтуынша, алған жарақатынан қаза болған офицер тәртіпбұзушылыққа жол берген.
"Тергеу әлі жалғасып жатыр. Оның нәтижелерін хабарлаймыз. Бірақ, өкінішке қарай, өмірімізде қате әрекеттер қайтымсыз салдарға әкеп соғатын жағдайлар бар. Оның үстіне, әскери қызмет әрқашан қауіпке байланысты. Сондықтан, қауіпсіздік шараларын жеке және ұжымдық түрде сақтауымыз керек", - деп қосты министр.
Сондай-ақ Жақсылықов оқиғаның салдарынан ұшақтарға да, ғимараттарға да зақым келмегенін айтты.
"Бұл ұшақтың снаряды. Ол дұрыс пайдаланылмай, снаряд ұшып кеткен", - деп түсіндірді қорғаныс министрі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
