“Көркем-3“ тұрғын үй кешеніндегі өрттен үш баласынан айырылған ана әлі жансақтау бөлімінде жатыр

Астанадағы "Көркем-3" тұрғын үй кешеніндегі өрттен зардап шеккен тұрғын әлі де жансақтау бөлімінде жатыр. Елордалық Денсаулық сақтау басқармасының баспасөз қызметі әйелдің жағдайы туралы айтып берді, - деп хабарлайды Tengrinews.kz.

Ведомство Түркістан көшесіндегі өрт салдарынан зардап шеккен науқасқа жансақтау бөлімінде қажетті интенсивті ем жасалып, медициналық бақылау жүргізіліп жатқанын атады.

"Бүгінде жағдайының оң динамикасы байқалады", - деп толықтырды басқарма.

Мән-жайы

12 сәуірге қараған түні Астанада Түркістан көшесіндегі 21 қабатты тұрғын үйдің 15-қабатында орналасқан пәтерден өрт шықты. Пәтерден үш баланың үш бала өлі табылды. Өртсөндірушілер олардың анасын құтқарып қалды, ол денесі күйіп №1 көпбейінді қалалық ауруханаға жатқызылды.

Жоғарғы қабаттардан 20 адам эвакуацияланды, тағы 40-қа жуық адам ғимараттан өз бетінше шықты. Елордалық полицейлер қылмыстық іс қозғалғанын хабарлады. Сонымен қатар, полиция жүргізушіні жазалады, оның көлігі өрт болған ТҮК ауласына кіретін жолды бөгеп тастаған.

Tengrinews.kz оқиғаның мән-жайын білу және куәгерлермен тілдесу үшін оқиға орнына барып қайтты.

18 сәуірде өрттен аман қалған Астана тұрғыны есін жиғанын, бірақ жағдайы әлі де ауыр екенін жазған болатынбыз.