+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Коронавирус жұқтырған қазақстандық әйел мамырдан қазан айына дейін ауырғаны анықталды, - деп хабарлайды Tengrinews.kz тілшісі.
Коронавирус жұқтырған қазақстандық әйел мамырдан қазан айына дейін ауырғаны анықталды, - деп хабарлайды Tengrinews.kz тілшісі.
Қазан айының соңында Желіде жұмыста коронавирус жұқтырғаны үшін өтемақы ала алмай жүрген жедел жәрдем қызметкерінің видеосы тараған болатын. Видеода әйел осымен екінші рет коронавирус жұқтырып, ауырып жатқанын және ол кезде Денсаулық сақтау министрлігі коронавирусты қайта жұқтыру дерегі тіркелмеген деп мәлімдегенін айтады.
Денсаулық сақтау министрлігінің Медициналық көмекті ұйымдастыру департаменті Tengrinews.kz тілшісінің ресми сауалына берген жауабында Саяра Набидинованың коронавирусты екінші рет жұқтырмағанын, тек вирустың ұзақ уақытқа созылғанын айтты.
Науқаста коронавирус мамырда анықталған екен.
"25 мамырдан 5 маусымға дейін Алматыдағы И.Жекенова атындағы қалалық клиникалық жұқпалы аурулар ауруханасының профильді стационарында ем алды. Ем клиникалық хаттамаға сәйкес жүргізілді", - деді ведомстводағылар.
Алайда 1 қазанда науқас коронавирусты қайта жұқтырдым деп ауруханаға көмекке жүгінген. Бірақ тест теріс нәтиже көрсеткен.
Ал кеуде қуысының компьютерлік томографиясында әйелден екіжақты полисегментальды пневмония анықталған.
"Бұл жағдай консилиумда қаралды. Ауру анамнезіне сүйене отырып, консилиум науқас Набиденова коронавирус инфекциясын қайта жұқтырмаған, тек коронавирус ұзақ уақытқа созылған деген шешімге келді. Шетел әдебиеттерінде бұл термин "ұзақ ковид" деп аталады", - деді Министрлік өкілдері.
Айта кетейік, науқас ауруханадан 14 қазанда шығарылған. Қазіргі уақытта учаскелік дәрігердің бақылауында.
Қазақстан жаңалықтары. Соңғы жаңалықтар. Telegram желісінде бізге жазыл!
