+7 (777) 001 44 99
Қазақша
Русский
English
Қостанай қаласының әкімі Қайрат Ахметов коронавирус жұқтырды. Бұл туралы қала басшысы Instagram желісіндегі парақшасында айтты, - деп хабарлайды Tengrinews.kz тілшісі.
Қайрат Ахметов коронавирусты анықтау арналған тест нәтижесі оң болғанын, сондықтан оқшауланатынын айтты. Алайда қала басшысы жұмысын қашықтан істейтінін хабарлады.
"Осыған орай, қала тұрғындарын белгіленген барлық талаптар мен қажетті қауіпсіздік шараларын қатаң сақтауға шақырамын. Біздің міндетіміз - шыдамдылық танытып, тазалыққа үлкен мән беру, өз отбасымызды қауіп-қатерден қорғау. Мұндай қиын жағдайда өз денсаулығын қорғауға саналы түрде қарау керек. Өзіңізді және жақындарыңызды сақтаңыздар!", - деді Қайрат Ахметов.
Посмотреть эту публикацию в Instagram
Еске салайық, бұған дейін 24 маусымда Қостанай облысының әкімі Архимед Мұхамбетов коронавирус жұқтырғаны хабарланған болатын. Ал 7 шілдеде облыс әкімі аурудан айыққанын хабарлады.
Қазақстан жаңалықтары. Соңғы жаңалықтар. Telegram желісінде бізге жазыл!
