+7 (777) 001 44 99
Қазақша
Русский
English
Қостанай облысында бала шалғайдағы қыстаудан қарда жүретін көлікпен ауруханаға жеткізілген - деп хабарлайды Tengrinews.kz тілшісі.
Амангелді ауданында 4 жасар балаға шұғыл медициналық көмек қажет болған. Бірақ отбасы тұратын Смайыл қыстауына медициналық мекеме қызметкерлері қарапайым көлікпен жету мүмкін болмаған. Себебі жолды жарты метр қар басып қалған. Сол себепті Байғабыл ауылдық округінің әкімі құтқарушылардан көмек сұраған.
"Нива BRONTO" жол талғамайтын көлікпен құтқарушылар қыстауға барды. Осы уақытта баласын трактормен алып келе жатқан ата-ана алдынан шықты. Анасы мен баласын жол талғамайтын көлікке отырғызып ауруханаға аман-есен алып келдік", - деді Қостанай облысы Төтенше жағдайлар департаментінің қызметі.
Бала аман-есен ауруханаға жеткізіліп, жедел ішек инфекциясы диагнозымен жұқпалы аурулар ауруханасына жатқызылды.
Құтқарушылар қазақстандықтарды қолайсыз ауа райында жолда сақ болуды сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
