+7 (777) 001 44 99
Қазақша
Русский
English
Қостанай облысында жүргізушілер жолды жауып қалған мұзды видеоға түсірді. Кадрларда мұз жол бойымен қозғалып барады, - деп хабарлайды Tengrinews.kz тілшісі Аlau.kz сайтына сілтеме жасап.
Видео авторы мұндайды бұрын-соңды көрмегенін айтады.
Қостанай облысы жолаушылар көлігі басқармасының басшысы Олжас Нұрғалиев 18 сәуірден бастап мұз сеңінің кесірінен жолдар жабылғанын атап өтті.
"Бұл Сарыкөл ауданындағы республикалық маңызы бар жол. Биіктігі 5 метрге дейінгі мұз сеңі шамамен 500 метр жолды жауып тастады. 19 сәуір таңғы сағат 8-дегі жағдай бойынша, 50 метр мұзды алып тастау ғана қалды. Бұл табиғи құбылыс. Мұның бәрі қатты желден болып отыр", - деді Олжас Нұрғалиев.
Еске салайық, бүгін, 19 сәуірде Нұр-Сұлтан мен Көкшетауда үсік болады. Синоптиктердің болжамынша, аптаның ортасында түнде Алматыда да ауа температурасы төмендейді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
