+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қостанайда 17 жастағы жігіт куәгерлердің көзінше көпірден секіріп кеткен. Полицейлер кәмелетке толмаған жасөспірімді суық судан шығарып алған, - деп хабарлайды Tengrinews.kz тілшісі.
Қостанайда 17 жастағы жігіт куәгерлердің көзінше көпірден секіріп кеткен. Полицейлер кәмелетке толмаған жасөспірімді суық судан шығарып алған, - деп хабарлайды Tengrinews.kz тілшісі.
Жас жігіттің көпірден өзенге секіргені туралы хабарлама "102-ге" 1 қараша күні кешке келіп түскен. Екі минуттан кейін полиция оқиға орнында болды.
Екі полиция қызметкері киімдерін шешіп, суға батып бара жатқан адамды құтқарып, оған алғашқы көмек көрсетті.
"Біз киім киген адамның батып бара жатқанын көрдік. Судың салқын екенін ескерсек, ол бірден көз жұмуы мүмкін еді", – деп еске алады Батыржан Бейсенбин.
Патрульдік полиция жігітті жағаға шығарып, зардап шеккен адамға алғашқы көмек көрсетті. Тәртіп сақшылары дер кезінде келіп, жас жігіт аман қалды.
Келіп жеткен жедел жәрдем көпірден секірген жігіттің есін жинауына көмектесті.
"Бұл әрекетінің себебі жайында жауап бергенде, жігіт сүйіктісімен ренжісіп қалғанын жеткізді. Алғашқы көмек тәртіп сақшыларына да көрсетілді. Мырзахан Сұлтанов жағаға шыққан кезде аяғын жарақаттап алған", – деді полиция департаменті басшысының БАҚ-пен өзара іс-қимыл жөніндегі кеңесшісі Елена Кашарина.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
