+7 (777) 001 44 99
Қазақша
Русский
English
Қостанайда жүргізуші қатты жылдамдықпен пиццерияға кіріп кетті, зардап шеккендер бар, - деп хабарлайды Tengrinews.kz тілшісі.
Оқыс оқиға кешкі уақытта болған. Lexus көлігінің жүргізушісі Абай даңғылымен келе жатып, қатты жылдамдықпен пиццерияға кіріп кеткен. Қоғамдық тамақтандыру нысаны аялдамаға жақын орналасқан.
Посмотреть эту публикацию в Instagram
"Lexus көлігін тізгіндеген 32 жастағы жүргізуші қатты жылдамдықпен келе жатып жол апатын жасады. Қазіргі уақытта полицейлер ҚР Қылмыстық кодексінің 345-бабы 1-бөлігі бойынша сотқа дейінгі тергеу амалдарын бастады. Қажетті тергеу әрекеттері жүргізіліп жатыр, сараптамалар тағайындалды, қалған мәліметтер тергеу мүддесі үшін жарияланбайды", - деп хабарлады Қостанай облысының полиция департаментінің баспасөз қызметі.
Оқиға салдарынан пиццерия қызметкерлері мен жүргізуші зардап шекті. Ғимаратта болған әйел мен 19 жастағы жасөспірім ауруханаға жатқызылды.
"40 жастағы әйел жабық бассүйек-ми жарақаты, бас миының шайқалуы, арқа мен жамбастың контузиясы диагнозымен түсті. 19 жастағы ер адамның миы шайқалған, тізе буыны көгерген", - деп хабарлады Қостанай облысының денсаулық сақтау басқармасының баспасөз қызметі.
Lexus көлігінің жүргізушісі миы шайқалып, бас ашық жарақатымен ауруханаға түсті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
