Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

ҚР әскерилері зейнетақымен толық қамсыздандыру жүйесіне көшіріледі

16 Ақпан 2015, 13:40
0
©ҚР Қорғаныс министрлігінің баспасөз қызметі
©ҚР Қорғаныс министрлігінің баспасөз қызметі

Қазақстан Қарулы Күштерінің барлық әскери қызметкері 2016 жылдың қаңтарынан бастап мемлекеттік зейнетақымен толық қамсыздандыру жүйесіне көшіріледі, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап. Бұл Қазақстанның зейнетақы жүйесін 2030 жылға дейін жаңғырту тұжырымдамасы шеңберінде қарастырылып отыр.

Баспасөз қызметінің мәліметінше, жүйе іске қосылғаннан кейін әскери қызметте шекті жасқа жетіп немесе денсаулығына байланысты және ұйым-штат іс-шаралары арқылы зейнеткерлікке шыққан әскери қызметкерлер мемлекет бюджетінен толық көлемде зейнетақы төлемін алатын болады.

Айта кетейік, қазіргі таңда 1997 жылы жүргізілген зейнетақы реформасына сәйкес, мемлекет бюджетінен төленетін зейнетақы 1998 жылдың 1 қаңтары күнгі жағдай бойынша 10 жылдан артық уақыт әскери қызметте болғандарға ғана беріледі. Ал әскери қызметте 10 жылдан аз уақыт жұмыс істегендерге мемлекет бюджетінен зейнетақы жартылай көлемде және зейнетақы жинағандағы ақшалай қаражаттың 20 пайызы төленеді.

"ҚР Үкіметінің қаулысына сәйкес, 2015 жылдың 1 қаңтарынан бастап зейнеткерлікке шыққан әскери қызметкерлердің зейнетақы төлеменің көлемі 9 пайызға көтерілді. Ал еңбек сіңірген жылдар үшін төленетін зейнетақы төлеміне қол жеткізу үшін еңбек тәжірибесінің жалпы көлемі 25 жыл және 12,6 жылдан кем емес уақыт әскери қызметте үздіксіз еңбек ету міндетті", - делінген хабарламада.

Еске сала кетейік, Қазақстанда 1 қаңтардан бастап зейнетақы мен әлеуметтік жәрдемақы көлемінің өскені хабарланған болатын. Айлық есептік көрсеткіші биыл - 1982 теңге, ал ең төменгі зейнетақы мөлшері - 23 692 теңге, орташа мөлшері - 11 182 теңге, ең төменгі күнкөріс деңгейі - 21 364 теңге. Зейнетақы төлемдері 9 пайызға, мемлекеттік әлеуметтік жәрдемақы 7 пайызға өсті.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай