23 қараша 2015 | 14:33

ҚР Қорғаныс министрлігіндегілер Ғылыми-техникалық ақпарат орталығының жұмысы жайлы айтып берді

ҚР Қорғаныс министрлігіндегілер Ғылыми-техникалық ақпарат орталығының жұмысы жайлы айтып берді, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

ҚР Қорғаныс министрлігіндегілер Ғылыми-техникалық ақпарат орталығының жұмысы жайлы айтып берді, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

ҚР Тұңғыш Президенті атындағы Ұлттық қорғаныс университетінде заманауи ғылыми-техникалық ақпарат орталығы іске қосылған. Мұндағы бес спутниктік қабылдағыштың арқасында әскери қызметшілер күн сайын әлемнің 1000-нан аса арнасынан қажетті ғылыми-техникалық мәліметтерді ала алады. Орталықтың әртүрлі спутниктерден 20 спутниктік арнаны бір уақытта қабылдау және тамашалау, автоматты және қолмен режімге келтіруде 10 арнадан бір уақытта жазу мүмкіндіктері бар.

Бұл ретте ҰҚУ Ғылыми-зерттеу институты ғылыми-экспериментальді бөлімінің аға офицері лейтенант Дәурен Қасеновтің айтуынша, деректер сақтағышының көлемі 1 нетабайтты құрайды, бұл дегеніміз 1 000 000-нан аса гигабайт. Мамандардың есептеуі бойынша мұндай қормен ақпаратты жазып алуды шамамен 10 жыл жүргізуге болады.

Орталықтың өзі берілген өлшемдер бойынша телевидение, радио арналар бойынша көрсетілетін Ғаламтор желісінде аудио, бейне және фотомәліметтерді автоматты түрде іздеу және ұстап алу жүйесінен тұрады. Ол ғылыми-техникалық ақпараттың ресурстарын құру және онымен әскери ғылымдарды, құрылымдық бөлімшелердің мамандарын, жоғары оқу орнының докторанттары мен магистранттарын қамтамасыз ету үшін қуатты құрал болып табылады. Сонымен бірге, Ұлттық қорғаныс университетінің профессорлық-оқытушылар құрамының ғылыми жұмысы үшін ақпарат көзі.

Заманауи ақпарат ғасырында ұдайы, ал бастысы ақпаратқа кең түрде қол жеткізу қажеттілігі бірінші орынға шыққанда мұндай орталықтар мен зертханалар ерекше өзекті болып отыр.

Армия

TENGRI travel