29 желтоқсан 2016 | 18:32

ҚР ұлттық экономика вице-министрі тағайындалды

Айдос Қосыбаев

ҚР ұлттық экономика вице-министрі тағайындалды, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

ҚР ұлттық экономика вице-министрі тағайындалды, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

29 желтоқсанда ведомствоның жаңа басшысы Тимур Сүлейменов өзі істейтін ұжымына ҚР Ұлттық экономика вице-министрін таныстырды. Бұл қызметке Айбатыр Жұмағұлов келді. Ол осыған дейін "Қазақстан Тұрғынүйбанк" АҚ басқарма басшысы қызметінде болған. Министр вице-министрге жаңа жұмыс орнында табыс тіледі.

Еске салайық, биыл 28 желтоқсанда Тимур Сүлейменов ұлттық экономика министрі болып тағайындалған болатын. "Тимур Мұратұлы Сүлейменов Қазақстан Республикасының Ұлттық экономика министрі болып тағайындалсын", - делінген Мемлекет басшысы бүгін қол қойған құжатта.

Сондай-ақ, Ақорданың сайтында Мемлекет басшысының Жарлықтарымен Қуандық Бишімбаевтың Қазақстан Республикасының Ұлттық экономика министрі қызметінен, Ерлан Ыдырысовтың басқа жұмысқа ауысуына байланысты Қазақстан Республикасының Сыртқы істер министрі қызметінен босатылғаны хабарланды.

Тағайындау соңғы жаңалықтар

TENGRI travel